Prezıdent QHA-nyń negizgi mindetterin atady
«Assambleıanyń qyzmetin birtindep ulttyń yqpaldastyq áleýetin kúsheıtýge baǵyttaý kerek. Sondaı-aq Assambleıa etnomádenı jáne basqa da qoǵamdyq birlestikterdiń qyzmetine tyń serpin berý máselesine aıryqsha nazar aýdarýy qajet. Olar etnosaralyq kommýnıkatsııanyń tıimdi joldaryn qalyptastyrýǵa tıis», - dedi Qasym-Jomart Toqaev.
Bul turǵyda Memleket basshysy Úkimetke tıisti tapsyrma berdi.
«Túrli etnostardyń mádenıet qaıratkerleri arasynda qoǵamdyq dıalogtyń bolýy óte mańyzdy. Jumys tásili qazirgi zamanǵa saı bolǵany jón. Úkimet osy aıtylǵan máselelerge nazar aýdarýy kerek», - dedi Prezıdent.
Budan buryn habarlanǵandaı, búgingi sessııa barysynda Prezıdent QHA-nyń jańa syılyqtary men ordenin bekitýdi usyndy.
Sonymen qatar Memleket basshysy elimizdegi reformalar memlekettilikti nyǵaıtýǵa, azamattardyń ál-aýqatyn qamtamasyz etýge baǵyttalǵanyn aıtty.
Prezıdent tatýlyq pen kelisim halqymyzdyń ómir saltyna aınalýy tıis ekenin aıtap ótti.
