20:29, 06 Jeltoqsan 2024 | GMT +5
Prezıdent Qatarǵa jumys saparymen bardy
ASTANA. KAZINFORM — Prezıdent Qasym-Jomart Toqaev Qatar Memleketine jumys saparymen bardy, dep habarlaıdy Aqorda.
Memleket basshysy Doha forýmynyń paneldik sessııasyna qatysady. Sondaı-aq Qatar Ámiri sheıh Támım ben Hamad Ál Tánımen jáne birqatar kompanııa basshylarymen kezdesý ótkizedi dep josparlanyp otyr.
Aıta ketsek, Qatar astanasy Doha qalasynda 7,8 jeltoqsan kúnderi jahandyq syn-qaterlerdi talqylap, túrli saladaǵy ınnovatsııalyq sheshimderdi izdeýge arnalǵan halyqaralyq forým (Doha Forum) ótedi. Kazinform agenttigi atalǵan is-sharanyń mańyzy týraly sholý usynady.
Buǵan deıin habarlaǵanymyzdaı, Qatar kompanııasy Qashaǵan gazyn óńdeıtin zaýyttyń 75 paıyz aktsııasyn satyp alady.