Prezıdent Qatar Memleketiniń Ámirimen telefon arqyly sóılesti

ASTANA. KAZINFORM — Memleket basshysy Qasym-Jomart Toqaev qazirgideı qıyn-qystaý jaǵdaıda elimiz Qatar halqyn qoldaıtynyn jetkizdi. Bul týraly Aqordanyń baspasóz qyzmeti habarlady. 

Prezıdent Qatar Ámiri sheıh Támım ben Hamad Ál Tánıdiń saıası kóregendiliginiń arqasynda shıelenistiń odan ári ýshyqpaǵanyn atap ótti. Sonymen qatar parasatty basshysy bar Qatar eli aımaqtaǵy eń kúrdeli máselelerdi sheshýde aıryqsha ról atqaratynyna nazar aýdardy.

Memleketter basshylary joǵary deńgeıdegi baılanystardy jalǵastyrýǵa ýaǵdalasyp, Qatar Ámiriniń aldaǵy ýaqytta elimizge josparlanǵan saparyn talqylady.

Aıta ketelik Qazaqstan Respýblıkasynyń Qatar memleketindegi elshiligi Katardaǵy ahýal beıbit turǵyndar úshin qaýipsiz ekenin málimdegen edi.