Prezıdent Dohada Izraıl bıligi jasaǵan áskerı aktsııany aıyptaıdy

ASTANA. KAZINFORM — Memleket basshysy Qasym-Jomart Toqaev Qatar astanasy Dohada Izraıl bıligi jasaǵan áskerı aktsııany aıyptaıdy, dep habarlaıdy Aqordanyń baspasóz qyzmeti.

— Qandaı maqsatty kózdese de, mundaı áreketke jol berýge bolmaıdy. Bul Qatar memleketiniń egemendik quqyǵyn buzady jáne halyqaralyq quqyq qaǵıdattaryna qaıshy keledi, — delingen habarlamada.

Osyǵan deıin Memleket basshysy byltyr Ankara qalasynyń mańyndaǵy TUSAŞ aeroǵarysh korporatsııasynyń ǵımaratyna jasalǵan lańkestik shabýyl saldarynan birneshe adamnyń qaza tabýyna baılanysty Túrkııa Prezıdenti Rejep Taııp Erdoǵanǵa kóńil aıtqanyn jazǵan edik. Prezıdent Qazaqstan beıbit turǵyndarǵa qarsy qastandyq áreketti qatań aıyptaıtynyn jetkizdi.