Prezıdent Qatar Ámirine quttyqtaý jedelhatyn joldady

ASTANA. KAZINFORM – Qasym-Jomart Toqaev sheıh Támım ben Hamad Ál Tánıdi jáne onyń otandastaryn Qatar Memleketiniń ulttyq merekesimen quttyqtady. Bul týraly Aqordanyń baspasóz qyzmeti habarlady. 

Prezıdent jedelhatynda Qazaqstan Qatardy arab álemindegi senimdi ári basty seriktesi retinde qarastyratynyn jetkizip, syndarly jáne mazmundy qarym-qatynastyń joǵary qarqynmen nyǵaıyp kele jatqanyn atap ótken. Sondaı-aq ekijaqty baılanystyń ilgerileýine Qatar Ámiriniń qosqan úlesin erekshe baǵalaıtynyn málimdegen.

Qasym-Jomart Toqaev sheıh Támım ben Hamad Ál Tánıdiń jaýapty qyzmetine tolaǵaı tabys, al Qatar halqyna qut-bereke tiledi.

Aıta ketelik Prezıdent Qasym-Jomart Toqaev kásipqoı sýmoshy Ersin Baltaǵulmen kezdesti.