Prezıdent Іs basqarmasyna qarasty medortalyq dárigerleri tegin qabyldaý ótkizedi

ASTANA. QazAqparat – QR Prezıdentiniń Іs basqarmasyna qarasty Medıtsınalyq ortalyq aýrýhanasynyń dárigerleri Shymkent, Jetisaı qalalarynda, Myrzakent, Atakent, Asyqata kentterinde halyqty (18 jastan bastap) tegin qabyldaıdy. Bul týraly QazAqparat vedomstvo saıtyna silteme jasap habarlaıdy.

Qabyldaý jyl saıynǵy «Meniń súıikti dárigerim» dástúrli aktsııasy aıasynda 28 qarashadan bastap 2 jeltoqsanǵa deıin júrgizilmek. Maqsat – halyqqa joǵary tehnologııalyq medıtsınalyq kómek kórsetý. Mamandar tobynda kardıohırýrg Erlan Deneev, angıohırýrg Talǵat Sársembaev jáne kardıolog Nazıra Alıbaeva bar. Sondaı-aq, Shymkent pen Myrzakent qalalarynda arıtmolog Rınat Kamıev osy top quramynda bolady.

Qabyldaý kúnderi men mekenjaıy:

Shymkent - 28 qarasha, Shymkent júrek ortalyǵy

Myrzakent - 29 qarasha, Aýdandyq ortalyq aýrýhana

Atakent - 30 qarasha, Aýdandyq ortalyq aýrýhana

Asyqata - 1 jeltoqsan, Aýdandyq ortalyq aýrýhana

Jetisaı - 2 jeltoqsan, Aýdandyq ortalyq aýrýhana

Qabyldaý ýaqyty: saǵat 09:00-18:00 (túski úzilis 13:00-14:00).

Keńes alýǵa kelýshilerdiń qolynda jeke basyn kýálandyratyn qujaty men burynǵy saraptamalarynyń nátıjesi bolýy kerek. Sondaı-aq:

- kardıohırýrgke: EKG, EhoKG hattamasyn, koronarografııa/KT dıskisin jáne barlyq úzindi kóshirmelerin, tekserýler men taldaýlar nátıjesin;

- arıtmologke: EKG, Holter EKG, EhoKG hattamasyn.

- angıohırýrgke: qantamyrlar ÝDDG, KT nemese aortografııa dıskisin jáne barlyq úzindi kóshirmelerin, tekserýler men taldaýlar nátıjesin.

- kardıologke: júrek ÝDDG, EHOKG hattamasy, barlyq úzindi kóshirmelerin, tekserýler men taldaýlar nátıjesin ákelýge tıis.

Dárigerlerdiń qabyldaýy men oǵan jazylý týraly basqa da aqparatty osy medıtsınalyq uıymdardan alýǵa bolady.