Prezıdent Іs Basqarmasy júıesi aıasynda medıtsınalyq klaster qurylady
«Ózderińizge belgili, jumys ónimdi bolýy úshin júıeli jospar kerek. Biz bıyl Prezıdenttiń Іs Basqarmasynyń jumysyndaǵy basty-basty degen baǵyttardy aıqyndadyq. Іrgeli ujymǵa qarasty ár mekemeniń mıssııasyn mejelep, bir jyl ishinde atqarylýǵa tıis mindetterdi, uzaq merzimdi maqsattardy naqtyladyq. Máselen, bizdiń medıtsınalyq ortalyqty damytýdyń 2023-2025 jyldarǵa arnalǵan tujyrymdamasy bekitildi. Bul qujat medortalyqqa qarasty vedomstvolyq baǵynysty uıymdardyń – aýrýhanalar men shıpajaılardyń, sanıtarlyq-epıdemıologııalyq saraptama ortalyǵynyń (SESO) damýyna yqpal etýge tıis. Elimizdiń árbir azamatyna sapaly ári qoljetimdi medıtsınalyq qyzmet kórsetýdi jolǵa qoıý qajet. Bul Memleket basshysynyń medıtsına salasyna júktep otyrǵan mańyzdy mindeti. Osy údeden kóriný úshin ne istegen jón? Otandyq densaýlyq saqtaý júıesin damytýǵa biz qalaı yqpal ete alamyz?», - dep jazdy Aıbek Dádebaev Telegram paraqshasynda.
Onyń aıtýynsha, aldymen, taıaý úsh jyl ishinde medortalyq dárigerleri aýrý túrlerin erte bastan anyqtaý úshin dıagnostıkany damytýǵa, medıtsınanyń profılaktıkalyq múmkindikterin arttyrýǵa basymdyq beredi.
Ekinshiden, Prezıdent Іs Basqarmasy júıesi aıasynda medıtsınalyq klaster qurý qarastyrylyp jatyr.
Ol úshin aldymen medortalyq aýrýhanalaryna jańa bilimdi, tájirıbe men medıtsınalyq tehnologııalardy jınaqtap, ıgerip, sodan keıin ony óńirlerdegi medıtsınalyq mekemelerge taratý qajet.
«2025 jylǵa qaraı shıpajaılardyń deńgeıin EuropeSPA standartyna jetkizip, tıisinshe sertıfıkattaýdy josparlap otyrmyz. Sonyń arqasynda sanatorıılerimiz Ortalyq Azııadaǵy eń ozyq deńgeıge kóterilýi tıis. Bul – úshinshi! Tórtinshiden, SESO bazasynda bilim berýmen aınalysýǵa akkredıttelgen halyqaralyq deńgeıdegi referens-zerthana qurý josparlanyp otyr. Besinshi mindet – medıtsınalyq kadrlardyń kásibı deńgeıi men biligin úzdiksiz arttyrý. Kadrlyq resýrsty tolyqtyrý pánaralyq mamandardy – fızıkterdi, psıhologtardy, ǵylymı mamandardy tartý esebinen de júrgiziledi. Medıtsına ortalyǵyn damytýdyń taǵy bir mańyzdy baǵyty – tsıfrlyq tásilder men tehnologııalardy keńinen paıdalana otyryp shyǵyndar men óndiristik protsesterdi ońtaılandyrý. Damý tujyrymdamasynda aıqyndalǵan osy baǵyttar Prezıdent Іs Basqarmasyna qarasty medıtsınalyq ortalyqtyń básekege qabilettilik deńgeıin arttyra túsip, otandyq densaýlyq saqtaý salasyna tıgizetin yqpalyn kúsheıtýge tıis», - deıdi Prezıdent Іs Basqarýshysy.
