Prezıdent: Elimiz tereń reformalarǵa endi ǵana kiristi

BÝRABAI. KAZINFORM – Memleket basshysy Qasym-Jomart Toqaev Ulttyq quryltaıdyń ІV otyrysynda álemdegi geosaıası ahýaldyń kúrdeliligine toqtaldy.

- Qazir geosaıası ahýal ýshyǵyp tur. Mundaı kezde el birligin, qoǵamdaǵy tatýlyq pen turaqtylyqty kózdiń qarashyǵyndaı saqtaýymyz kerek. Bul – turaqty damýǵa qajetti eń basty shart.

Elimiz tereń ári jan-jaqty reformalarǵa endi ǵana kiristi. Aldymyzda kúrdeli jol tur. Biz ozyq oıly ult retinde tek qana alǵa qaraýymyz kerek. Aldaǵy birneshe on jyldyqqa kóz tigip, aýqymdy sharýalardy kezeń-kezeńimen atqarýymyz qajet, - dedi Qasym-Jomart Toqaev.

Prezıdent elimiz óz maqsattaryn uzaq merzimge mejeleı bilý kerektigin aıtady.

- Biz uzaq merzimge arnalǵan maqsatqa umtylýymyz kerek. Keleshegimiz qandaı bolýy kerek ekenin naqty bilýge tıispiz. Sebebi durys maqsat qoıa bilsek qana, tabysqa jete alamyz, - dedi Memleket basshysy.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.