Prezıdent Beıbit Isabaevqa jylytý maýsymyna daıyndyqty baqylaýda ustaýdy tapsyrdy
ASTANA. KAZINFORM – Prezıdent Jetisý oblysynyń ákimi Beıbit Isabaevty qabyldady. Bul týraly Aqordanyń baspasóz qyzmeti habarlady.
Qasym-Jomart Toqaevqa óńirdiń áleýmettik-ekonomıkalyq damý qorytyndylary týraly esep berilip, aldaǵy kezeńge arnalǵan jospary tanystyryldy.
Beıbit Isabaev:
bıylǵy birinshi jartyjyldyqta óńirge 178 mıllıard teńge (ósim – 29,5 paıyz) ınvestıtsııa tartylǵanyn aıtty.
2025-2027 jyldarǵa arnalǵan ınvestıtsııalyq portfel jasaqtalyp, oǵan jalpy quny 2,6 trıllıon teńge bolatyn 128 joba engizilgenin jetkizdi. Olardyń aıasynda 10,6 myń jumys orny ashylady.
Atap aıtqanda, taý-ken baıytý kombınaty, «Qazaqstan – Qytaı halyqaralyq ónerkásip qalasy» ındýstrıaldy parki, jel elektr stansalarynyń zaýyty, halyqaralyq áýejaı salynady.
agroónerkásip kesheniniń damýy týraly málimet berdi.
Bıyl oblysta 540 myń tonna qyzylsha jınaý jáne 78 myń tonna qant óndirý josparlanyp otyr.
óńirdiń kólik-logıstıkalyq jáne tranzıttik áleýetiniń jaı-kúıi, ınfraqurylymdyq jobalardy iske asyrý, eldi mekenderdi gazben qamtamasyz etý, sondaı-aq áleýmettik ınfraqurylymdardy salý jáne jóndeýden ótkizý týraly baıandady.
týrıstik salaǵa basa nazar aýdardy.
Alakóldiń jaǵasyndaǵy ınfraqurylymdy jańǵyrtý jumystary jalǵasyp jatyr;
Úsharal áýejaıynyń ushý-qoný jolaǵy jóndeýden ótken;
Óńirde káriz jáne elektr jelilerin jańartý jumystary jalǵasýda;
«Balqash» týrıstik-rekreatsııalyq aımaǵynyń bas jospary ázirlendi;
Lepsi aýyly – Balqash kóli jaǵalaýy avtojoly rekonstrýktsııadan ótip, ınjenerlik ınfraqurylym salý jobasy iske asyrylyp jatyr;
Jyl sońyna deıin Almaty – Óskemen – Lepsi – Aqtoǵaı avtojolynyń qurylysy aıaqtalady.
Qasym-Jomart Toqaev:
qant óndirisin odan ári damytýdyń, turǵyndardy kógildir otynmen qamtamasyz etýdiń, týrıstik ınfraqurylymdy jetildirýdiń jáne demalýshylarǵa qolaıly jaǵdaı jasaýdyń mańyzyna toqtaldy.
turǵyn úı-kommýnaldyq sharýashylyq jáne áleýmettik sala nysandarynyń aldaǵy jylytý maýsymyna daıyndyǵyn baqylaýda ustaýdy tapsyrdy.