Prezıdent: Azııa qalamgerleri eńbekteriniń birtutas elektrondy kitaphanasyn quratyn ýaqyt jetti

NUR-SULTAN. QazAqparat – Prezıdent Qasym-Jomart Toqaev Azııa qalamgerleriniń І forýmynyń jumysyna tabys tiledi, dep habarlaıdy QazAqparat tilshisi.

«Azııa qalamgerleri týyndylarynyń birtutas elektrondy kitaphanasyn quratyn ýaqyt jetti. Bul Azııanyń teńdessiz dúnıetanymy jınaqtalǵan baǵa jetpes asyl qazynanyń esigin jer júzine aıqara ashatyn qundy dúnıe bolary sózsiz. Osyndaı ıgi bastamalardy iske asyrý jumysy – qalamgerlerimizdi biriktirip, Azııa ádebıetin jańa beleske shyǵarady dep senemin. Búgingi forým jumysyn tabys tileımin», - dedi Qasym-Jomart Toqaev Azııa qalamgerleriniń І forýmynda.

Eske salsaq, elordada Azııa qalamgerleriniń І forýmy ótip jatyr. Oǵan ádebıet boıynsha Nobel syılyǵynyń 3 nomınaty qatysýda. Jıynda Qasym-Jomart Toqaev «Azııa alyby» halyqaralyq ádebı syılyǵyn taǵaıyndaýdy usyndy.