Prezıdent Altaı Ábıbýllaevty Elshi qyzmetinen bosatty

ASTANA. QazAqparat – Prezıdent Qasym-Jomart Toqaevtyń Jarlyǵymen Altaı Ibragımuly Ábıbýllaev Qazaqstan Respýblıkasynyń Horvatııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Bosnııa jáne Gertsegovınadaǵy, Chernogorııadaǵy Tótenshe jáne Ókiletti Elshisi qyzmetin qosa atqarýshy laýazymdarynan bosatyldy. QazAqparat bul týraly Aqordaǵa silteme jasap habarlaıdy.

Búgin Prezıdent Qasym-Jomart Toqaevtyń Jarlyǵymen, sondaı-aq Nurbah Rústemov Qazaqstannyń Rýmynııadaǵy Elshisi laýazymynan bosatyldy.

Budan bólek, Erlik Álı Qazaqstannyń Rýmynııadaǵy Tótenshe jáne Ókiletti Elshisi bolyp taǵaıyndaldy. Ol Qazaqstan Respýblıkasynan Shanhaı yntymaqtastyǵy uıymy qyzmetiniń máseleleri jónindegi Ulttyq úılestirýshi laýazymynan bosatyldy.

Al Qazaqstannyń Aýstrııadaǵy Elshisi, Qazaqstan Respýblıkasynyń Vena qalasyndaǵy halyqaralyq uıymdar janyndaǵy Turaqty ókili Álibek Baqaev Qazaqstan Respýblıkasynyń Slovenııa Respýblıkasyndaǵy Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.