Prezıdent Albanııa halqyn Táýelsizdik kúnimen quttyqtady

ASTANA. KAZINFORM — Memleket basshysy Albanııa Prezıdentine quttyqtaý jedelhatyn joldady. Bul týraly Aqordanyń baspasóz qyzmeti málim etti. 

— Qasym-Jomart Toqaev Baıram Begaıdy Albanııa Respýblıkasynyń Táýelsizdik kúnimen quttyqtady. Prezıdent jedelhatynda eki el arasyndaǵy dástúrli dostyq pen ózara túsinistikke negizdelgen qarym-qatynastyń aıasy keńeıip kele jatqanyn atap ótti. Sondaı-aq birlesken kúsh-jigerdiń arqasynda ekijaqty yntymaqtastyq qos halyqtyń ıgiligi jolynda damı beretinine senim bildirdi. Qasym-Jomart Toqaev Baıram Begaıdyń asa jaýapty qyzmetine tolaǵaı tabys, al alban halqyna qut-bereke tiledi, — delingen habarlamada.

Aıta keteıik, Memleket basshysy álem birinshilikterinde top jarǵan jas shahmatshylarmen kezdesti.