Prezıdent AQSh-tyń Ortalyq Azııadaǵy ıAdrolyq qarýdan azat aımaq týraly hattamany ratıfıkatsııalaýy mańyzdy ekenin aıtty
Amerıka Qurama Shtattarynyń Ortalyq Azııadaǵy ıadrolyq qarýdan azat aımaq týraly shartqa teris kepildikter týraly hattamany ratıfıkatsııalaýy mańyzdy. Muny «Ortalyq Azııa – AQSh» memleket basshylarynyń sammıtine qatysqan Prezıdent Qasym-Jomart Toqaev aıtty, dep habarlaıdy QazAqparat tilshisi.
Memleket basshysy atap ótkendeı, bul qadam óńirdiń ıadrolyq qarýdan ada mártebesin ınstıtýtsıonaldandyrý protsesin aıaqtaýǵa múmkindik beredi, sondaı-aq ıadrolyq qarýsyzdaný jáne jappaı qyryp-joıatyn qarýdy taratpaý rejımin nyǵaıtý jónindegi halyqaralyq kúsh-jigerdiń mańyzdy kezeńine aınalady.
Buǵan deıin atalǵan hattamany Qytaı, Reseı, Frantsııa jáne Ulybrıtanııa elderi ratıfıkatsııalaǵan.
Aıta keteıik, Ortalyq Azııa – soltústik jarty shardaǵy ıadrolyq arsenaldardy ornalastyrýǵa tyıym salynǵan jalǵyz aımaq.
Mundaı aımaqtar Latyn Amerıkasynda, Afrıkada, Ońtústik-Shyǵys Azııada jáne Tynyq muhıtynyń ońtústik bóliginde qurylǵan.
Sonymen birge Prezıdent Birikken Ulttar Uıymy Bas Assambleıasynyń 78-sessııasynda sóılegen sózinde de ıadrolyq qaýipten ada aımaq qurý bastamasyn kóterdi.
«ıAdrolyq derjavalar arasynda ıadrolyq qarýdan ada álem qurý jolynda ózara senim men yntymaqtastyq bolǵanda ǵana jahandyq turaqtylyqty qamtamasyz ete alamyz. Osyǵan baılanysty Qazaqstan ıAdrolyq qarýǵa tyıym salý týraly shartty qatań saqtaıtynyn málimdeıdi. Biz qarýsyzdaný jáne qarýdy taratpaý salasy boıynsha jańa tetikterdi damytýdy qoldaımyz. 2045 jylǵa deıin ıadrolyq qarýdan tolyq bas tartýdyń strategııalyq jospary qazirgi kóshbasshylardyń jahandyq qaýipsizdikti qamtamasyz etýge qosqan eń mańyzdy úlesi bolýy múmkin», - degen edi Prezıdent BUU sessııanyń jalpy debatynda sóılegen sózinde.
