Prezıdent: Aktsıonerler óz bankterin urlap, joq qylady

ASTANA. QazAqparat - Úkimettiń keńeıtilgen otyrysynda QR Prezıdenti Nursultan Nazarbaev óz bankterin tonaǵan aktsıonerlerdi synady, dep habarlaıdy QazAqparat.

«Elge kelip bank quryp, jumysyn bastaıdy. Adamdar senip, aqshalaryn salady, sonymen qatar kvazımemlekettik sektor da qarjysyn salady. Keıinnen aktsıonerler qarjyny jymqyrýdy bastaıdy. Osy zańsyzdyq úshin olardy túrmege otyrǵyzýǵa zańdar joq. Olar qashqannan keıin, atalǵan adamdy izdep áýre bolamyz. Danııar, basyńmen jaýap beresiń. Qajetti zańmen qamtamasyz ettik, endi salaǵa jaýap ber. Bank jumys istep turǵanda aktsıonerler qarjyny urlamaýy tıis. Ózderiniń bankterin urlap, joq qylady», - dedi Prezıdent Ulttyq bank tóraǵasy Danııar Aqyshevke qarata aıtqan sózinde.

Elbasy ekonomıkany bankrottan tazartpaı, elde damý úrdisi durys júrmeıtinin atap ótti.

«Bul máselelerdi sheshpesek, Úkimet te, bankter de únemi súrine beredi. Neden qorqamyz? Bankrottyq ınstıtýty naryqtyq elderde aıtarlyqtaı keńinen taraǵan. Sizder Úkimet nemese mınıstr emes, qorqaqsyńdar. Sheshim qabyldaý úshin qol-aıaqtaryń dirildep turady. Onda ne úshin jumys istep otyrsyńdar?!», - dedi Nursultan Nazarbaev.