Prezıdent AHQO basshysy Renat Bekturovty qabyldady
ASTANA. KAZINFORM — Memleket basshysy «Astana» halyqaralyq qarjy ortalyǵynyń basqarýshysy Renat Bekturovty qabyldady.
Renat Bekturov ortalyqtyń bıylǵy birinshi jartyjyldyqtaǵy qyzmetiniń negizgi nátıjeleri men aldaǵy kezeńge josparyn tanystyrdy.
Búginde qarjy ortalyǵy arqyly Qazaqstanǵa 12 mıllıard dollardan astam ınvestıtsııa tartylǵan. Bul 2025 jylǵa belgilengen maqsatty kórsetkishten asady.
AHQO qurylǵan sátten bastap onyń qatysýshylary bıýdjetke 115 mıllıard teńge salyq tóledi. Onyń 29,8 mıllıard teńgesi osy jyldyń birinshi jartyjyldyǵynda túsken.
Qarjy ortalyǵyna qatysýshylar sanynyń artýy men kompanııalar qyzmetiniń jandanýy salyq túsimderiniń ulǵaıýyna negizgi sebep bolyp otyrǵanyn atap ótti.
2024 jyldyń alǵashqy alty aıynda ortalyqqa 500-den astam kompanııa qosyldy.
Bul qatysýshylardyń jalpy sanyn 3 myńǵa deıin arttyrýǵa jáne jańa jumys oryndaryn ashýǵa aıtarlyqtaı yqpal etti.
Bıylǵy ekinshi toqsannyń sońyndaǵy esep boıynsha AHQO ıýrısdıktsııasyndaǵy kompanııalar 7600-den astam jumys ornyn ashty.
«Astana» halyqaralyq qarjy ortalyǵynyń bıznes-qoǵamdastyqty qoldaýǵa baǵyttalǵan sharalary týraly aıtty.
Maýsym aıynda AIFC Community bastamasy aıasynda alǵashqy is-shara ótkenin habarlady.
Bıyl 5-6 qyrkúıekte bolatyn dástúrli Astana Finance Days 2024 sharasyna daıyndyq barysyn baıandady.
Prezıdent qarjy ortalyǵyn odan ári damytý baǵytynda birqatar mindet júktedi.
Atap aıtqanda, el ekonomıkasyna ınvestıtsııa tartý úshin AHQO ınfraqurylymyn belsendi paıdalana otyryp, barlyq memlekettik organ men qarjy ınstıtýttarynyń kúsh-jigerin biriktirý qajet ekenin atap ótti.
