Premer-Mınıstr: Saıabaqtar ıesiz qalǵandaı kúı keshýde
ASTANA. KAZINFORM – Úkimet basshysy Oljas Bektenov saıabaqtardy kógaldandyrý jáne kútip-baptaý jumysyn synǵa aldy.
«Saıabaqtar men skverler kóbinese ıesiz qalǵandaı kúı keshedi. Olardy jyl saıyn jańartyp otyrý, kórkeıtý jumystary júrgizilmeıdi. Keıde tipti saıabaqtarda obektiler salý faktileri de kezdesedi. Sondyqtan jurtshylyq osyndaı problemalardy jıi kóteredi», - dedi Oljas Bektenov Úkimet otyrysynda.
Onyń aıtýynsha, turǵyndar kórikti ári ómir súrýge qolaıly bolǵanyn qalaıdy.
«Halyqtyń osyndaı kúndelikti máselelerdi sheshýde úlken belsendilik tanytyp otyrǵanyn atap ótken jón. Mysaly, qoǵam belsendileriniń arqasynda elordada birqatar jerde salynýy tıis obektilerdiń ornyna skverler men demalys oryndary paıda boldy», - deıdi Premer-Mınıstr.
