Premer-Mınıstr depýtattardyń eskertýlerine pikir bildirdi
ASTANA. KAZINFORM – Depýtattardyń usynystary Úkimettiń jumysynda eskeriledi. Bul týraly búgin Parlament palatalarynyń birlesken otyrysynda Úkimet basshysy Oljas Bektenov aıtty.
«Búgin aıtylǵan usynystar men eskertýlerińizge, qoıǵan suraqtaryńyzǵa alǵysymdy bildiremin. Osynyń barlyǵyn jazyp aldym. Aıtylǵan máselelerdiń barlyǵy bizdiń aldaǵy jumysymyzda eskeriledi. Jalpy, Parlamenttiń de, Úkimettiń de múddesi bir, maqsaty ortaq – ol halqymyzdyń ál-aýqatyn arttyrý, memlekettigimizdi nyǵaıtý, elimizdiń órkendeýine jaǵdaı jasaý. Oǵan qol jetkizý úshin barshamyz Memleket basshysy qoıǵan aýqymdy mindetterdi oryndaýymyz qajet. Eger Parlament, Úkimet jáne basqa bılik tarmaqtary birlesip jumys istese, biz barlyq tapsyrmany oryndaımyz dep senemin. Qıyndyqtardyń bárinen ótemiz. Sondyqtan Úkimet sizdermen birlesip jumys isteýge daıyn», - dedi O. Bektenov.
Budan buryn habarlanǵandaı, búgin Parlament palatalarynyń birlesken otyrysynda depýtattar Úkimettiń 2023 jylǵy respýblıkalyq bıýdjettiń atqarylýy týraly esebi men Joǵary aýdıtorlyq palatanyń qorytyndysyn qabyldady.
Otyrys barysynda Premer-Mınıstr tasqynnan zardap shekkender bıyl jańa baspanasyna tolyqtaı qonystanatynyn aıtty.
