Premer-Mınıstrdiń orynbasary memlekettik qaryzǵa qatysty túsinik berdi

ASTANA. QazAqparat – Memlekettik qaryz Jalpy ishki ónimge shaqqanda 25% tómen deńgeıde qalyptasty. Bul týraly Májilistiń jalpy otyrysynda Úkimettiń 2022 jylǵy respýblıkalyq bıýdjettiń atqarylýy týraly esebin qaraý kezinde Premer-Mınıstrdiń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Qazirgi kezde barlyq belgilengen boryshtyq kovenanttar saqtalyp otyr. Memlekettik qaryz Jalpy ishki ónimge shaqqanda 25% tómen deńgeıde qalyptasty. Qarjylyq shekteýlerdi qatań saqtaý saıasaty keleshekte de jalǵasatyn bolady», - dedi E. Jamaýbaev.

Osy oraıda ol bul másele Úkimettiń turaqty baqylaýynda turǵanyn aıtty.

«Biz qabyldanǵan mindettemelerdiń ashyqtyǵy men aıqyndyǵyn arttyrý boıynsha Joǵary aýdıtorlyq palatanyń usynymdaryn qoldaımyz. Olar jumys barysynda eskeriletin bolady«, - dedi spıker.

Budan buryn habarlanǵandaı, bıyl naýryz aıynda E. Jamaýbaev memlekettik qaryz jalpy ishki ónimge shaqqanda 32 paıyzdan aspaıtynyn aıtty.