Pragada Qazaqstan Táýelsizdiginiń 30 jyldyǵyna oraı onlaın konferentsııa ótti

PRAGA. QazAqparat - Qazaqstan Respýblıkasy Táýelsizdiginiń 30 jyldyǵyn merekeleý aıasynda QR Cheh Elshiligi Ulttyq Akademııalyq kitaphanamen (Nur-Sultan) birlesip, ǵylymı-saraptamalyq ókilderiniń, qabyldaýshy eldiń buqaralyq aqparat quraldarynyń ókilderi qatysýymen onlaın konferentsııa uıymdastyrdy, dep habarlaıdy QazAqparat.

Qazaqstandyq dıplomattar jınalǵandardy eldiń táýelsizdik jyldaryndaǵy saıası jáne áleýmettik-ekonomıkalyq damýynyń negizgi jetistikterimen, sondaı-aq azamattardyń memleketke degen senimniń deńgeıin arttyrý baǵytynda júrgizilip jatqan reformalarmen egjeı-tegjeıli tanystyrdy.

«Qazaqstandaǵy oń ekonomıkalyq ózgeristerdi kórip otyrmyn, bul naǵyz jetistik tarıhy. Táýelsizdik jyldaryndaǵy ekonomıkanyń ósýi tańǵaldyrady. Barlyq qıyndyqtardy jeńe otyryp, memleket óziniń damýynyń jańa deńgeıine jetip, jańa bıikterge kóterildi. Búgin biz pandemııanyń álemdik ekonomıkanyń damýyna ózindik iz qaldyrǵanyn kórip otyrmyz. Alaıda, qazirgi qıyndyqtarǵa qaramastan, Qazaqstan óziniń ekonomıkalyq ósý jolyn jalǵastyryp jatqanyn atap ótkim keledi, respýblıkanyń 2025 jylǵa deıin eseptelgen óziniń naqty jáne rastalǵan strategııalyq damý jospary bar. Qazaqstannyń bolashaǵy zor ekenine senimdimin», -dedi chehııalyq ekonomıst, belgili «E15» basylymynyń sholýshysy ıAn Stolar.

Chehııalyq «Halo Noviny» basylymdarynyń jetekshileri Roman ıAnoýh jáne «Ceske Noviny» Svetozar Plesnık óz sózderinde Qazaqstannyń saıası rólin atap kórsetti.

«Búgingi kúni Qazaqstan halyqaralyq arenada bedeldi, qurmetti memleket. Dálel retinde 2017–2018 jyldardaǵy BUU Qaýipsizdik Keńesindegi Qazaqstannyń músheligi, oǵan álemdegi eń yqpaldy elder kiredi. Qazaqstan árqashan ıadrolyq qarýsyzdanýǵa qatysty ár túrli usynystar jasap keledi, olar qazirgi kezde de óte mańyzdy. Sondaı-aq, Qazaqstan álemge áıgili «EKSPO» halyqaralyq kórmesin ótkizdi, onyń taqyryby «Bolashaq energııasy» boldy. Búginde munaı men gazdyń úlken qoryna ıe Qazaqstan jańartylatyn energııa kózderine bet burdy», - dedi jýrnalıt.

Sondaı-aq, konferentsııaǵa qatysýshylar qazaqstannyń memlekettiliginiń qalyptasý tarıhy, Qazaqstan men Chehııa halyqtary arasyndaǵy dostyq qatynastyń damýy, sondaı-aq ekonomıkanyń jeke sektorlarynyń qalyptasýy jáne iri ınfraqurylymdyq jobalardyń qatysýy týraly baıandamalar jasady. Іs-shara barysynda ekijaqty qatynastardy nyǵaıtý turǵysynan qazaqstan-cheh saýda-ekonomıkalyq jáne mádenı-gýmanıtarlyq yntymaqtastyqty damytý perspektıvalary jáne basqa da máseleler talqylandy.

Kezdesý sońynda konferentsııaǵa qatysýshylar Qazaqstan halqyn mereıtoılyq datamen quttyqtap, elimizge órkendeý men sáttilik tiledi.

Qazaqstan tarapynan is-sharaǵa qatysty: Ulttyq akademııalyq kitaphananyń bas dırektory, p.ǵ.d., professor, Úmithan Muńalbaeva; Memleket jáne quqyq ınstıtýtynyń áleýmettik-ekonomıkalyq damý tarıhy bóliminiń dırektory, tarıh ǵylymdarynyń doktory, professor, A.M.Aýanasova; M.Áýezov atyndaǵy Ádebıet jáne óner ınstıtýtynyń doktory, QR Eńbek sińirgen qaıratkeri, fılologııa ǵylymdarynyń doktory S.V.Ananeva; «Radıma» Belarýs mádenı ortalyǵy « qoǵamdyq birlestiginiń tóraǵasy Dımıtrıı Ostankovıch; Soltústik Qazaqstan ámbebap kitaphanasynyń dırektory B.M.Ábilmájinov; Shyǵys Qazaqstan ámbebap kitaphanasynyń bıblıografy O.D.Kaısına.