Pragada aldaǵy QR Prezıdenti saılaýyna qatysty brıfıng ótti

ASTANA. QazAqparat - Keshe, 14 sáýirde Qazaqstannyń Chehııadaǵy Elshisi Serjan Ábdikárimov Qazaqstan Respýblıkasynda ótetin kezekten tys prezıdenttik saılaýǵa qatysty eldiń BAQ ókilderine arnaıy brıfıng ótkizdi.

Bul týraly QR SІM baspasóz qyzmeti habarlady.

Sóz basynda S. Ábdikárimov brıfıng qatysýshylaryn saılaý úderisiniń bastalý tarıhymen, Qazaqstan halqy Assambleıasynyń bastamasymen, saılaýǵa daıyndyqtyń barysymen, sonyń ishinde kóptegen halyqaralyq baqylaýshylar men jýrnalısterdiń tirkelý úrdisimen tolyq tanystyryp ótti. Elshi Qazaqstanda demokratııany damytýdyń jáne azamattardyń saılaý quqyqtaryn saqtaýdyń mańyzdy sharty retinde saılaý úrdisi barysynda halyqaralyq baqylaý ınstıtýtyn qamtamasyz etý bolyp tabylatyndyǵyn erekshe toqtalyp ketti.

S. Ábdikárimov: «Qazaqstan memlekettik qurylys negizindegi demokratııalyq damý qaǵıdalaryna júginedi», dep atap ótti. Qazaqstan lıberaldyq saıası júıeni jáne negizgi azamattyq ınstıtýttardy quryp, demokratııalyq qundylyqtardy engizip, qysqa ýaqytta kúrdeli kezeńdi basynan ótkizdi. Qazaqstan óz nátıjelerin baǵalaıdy jáne eýropalyq elderdiń, sonyń ishinde Chehııanyń da, baı tájirıbesi negizinde kezeń-kezeńmen jańartýdy jalǵastyrýǵa nıet bildiredi.

Elshi, sonymen qatar, Qazaqstan damýynyń jańa kúrdeli kezeńine ótkenin aıtty. Atap aıtqanda, ekonomıkalyq faktorlar qysymynyń ósimi, munaı baǵasynyń tómendeýi, sanktsııalyq qarsylyqtar, aımaqtaǵy turaqsyzdyq, Halyqaralyq koalıtsııa kúshteriniń Aýǵanstannan shyǵýy atap ótildi. Elimizdi de, búkil óńirdi de alda biraz synaqtar kútýde, degenmen, Qazaqstannyń qazirgi zaman qaterleri týraly túsinigi, aıqyn jospary men olardy eńserý úshin tıisti qorlar bar.

Ú.j. 26 sáýirde Qazaqstanda kezekten tys prezıdenttik saılaý uzaq merzimdi mindetterdi júzege asyrýǵa, keleńsiz syrtqy faktorlardy jeńý úshin belsendi jumys isteýge, kózdelgen josparlardy júzege asyrýǵa jáne halyq ómiriniń deńgeıin kóterýge múmkindik beredi.

Dıplomat Qazaqstan Prezıdenttigine kandıdattardyń usynǵan saılaý aldyndaǵy baǵdarlamalarynyń negizgi jaǵdaılaryna erekshe kóńil bóldi.

Brıfıng barysynda S. Ábdikárimov Elbasynyń «Nurly jol» Qazaqstan halqyna joldaýyn júzege asyrýǵa, Qazaqstan halqy Assambleıasynyń 20-jyldyǵyna, Qazaq handyǵynyń 550-jyldyǵyna, Astana ekonomıkalyq forýmynyń daıyndyǵyna, Álemdik jáne dástúrli dinder kóshbasshylarynyń V Sezine jáne «EKSPO-2017» halyqaralyq mamandandyrylǵan kórmege qatysty saýaldaryna jaýap berdi.