Portýgalııanyń soltústiginde Qazaqstannyń Qurmetti konsýldyǵy ashyldy
Іs-sharada Qazaqstannyń Portýgalııadaǵy Elshisi Dáýlet Batyrashev, Gımaraesh qalasynyń meri Domıngýsh Bragansa, Qurmetti konsýldyqtyń okrýgine kiretin óńirlerdiń basshylary, akademııalyq, qoǵamdyq-saıası jáne isker toptarynyń, sondaı-aq BAQ ókilderi qatysty. Qazaqstannyń Qurmetti konsýly Jıl Vıeıra, «Resumeferico» kompanııasynyń basshysy Braga, Vıana-dý-Kashtelý, Vıla-Real, Bragansa, Portý, Aveırý, Vızeý, Gýarda, Koımbra ı Kashtelý-Branký óńirlerinde óziniń qyzmetin júrgizedi.
Saltanatty rásimde Elshi Qazaqstannyń Qurmetti konsýldyǵynyń qurylýy - bul eki el arasyndaǵy saýda-ekonomıkalyq, ınvestıtsııalyq jáne gýmanıtarlyq yntymaqtastyqty odan ári keńeıtýge yqpal ete otyryp, qazaq-portýgal dostyǵy damýynyń aıqyn dáleli ekenin basa aıtty. Otandyq dıplomat Gımaraesh qalasynyń basshylyǵyna kórsetken qoldaýy úshin alǵysyn bildirip, J.Vıeıraǵa Qurmetti konsýlynyń qyzmetinde paıdalaný úshin memlekettik rámizderin tapsyrdy.
Portýgalııanyń soltústik aımaqtarynyń basshylary Qurmetti konsýldyqtyń ashylýymen quttyqtaı otyryp, ol óńiraralyq ekijaqty yntymaqtastyǵynyń damytýyna yqpal etetinine senim bildirdi. Óz tarapynan, Gımaraesh qalasynyń meri Domıngýsh Bragansa Qazaqstanmen ózara tıimdi qarym-qatynastardy keńeıtýge qyzyǵýshylyǵyn bildirip, eki el óńirleri arasyndaǵy ózara árekettestikti odan ári damytý úshin usyna alatyn qalanyń keń múmkindikterin atap ótti. Osy oraıda, D. Bragansa týystyq qatynastar ornatý jáne ekijaqty yntymaqtastyqtyń kún tártibin jan-jaqty talqylaý maqsatynda Túrkistan qalasyna jaqyn ýaqytta barýǵa nıettiligin bildirdi.
Óz qyzmetine kirisken Qurmetti konsýl Qazaqstan Úkimetine senim bildirgeni úshin alǵysyn bildirip, Qurmetti konsýldyqtyń bizdiń memleket azamattarynyń quqyqtary men múddelerin qorǵaýdaǵy, sondaı-aq eki eldiń ózara árekettesýiniń barlyq salalarynda jáne elder arasyndaǵy saýda-ekonomıkalyq yntymaqtastyǵynyń damýyndaǵy mańyzdy rólin atap ótti.
QR Qurmetti konsýldyǵynyń ashylýymen birge, óńirdiń iskerlik pen óndiristik áleýetin eskere otyryp, Gımaraesh qalasynda qazaq-portýgal tikeleı iskerlik baılanystardy damytýǵa baǵyttalǵan «Qazaq Sauda» iskerlik assotsıatsııasynyń jumysy resmı túrde bastalǵan bolatyn. Portýgaldyq kásipkerleriniń bastaýymen qurylǵan qaýymdastyq seriktestik pen kooperatsııalyq baılanystaryn ornatýǵa kómektesýdiń, sondaı-aq ekonomıkanyń basym salalarda birlesken jobalardy iske asyrý boıynsha bızneske qajetti keńesýler berýdiń tıimdi quralyna aınalýǵa baǵyttalǵan.
Sonymen qatar, Qazaqstan Respýblıkasy táýelsizdiginiń 30 jyldyǵy mereıtoıyna arnalǵan birqatar is-sharalar aıasynda, Portýgalııanyń tanymal oryndaýshylary Lara Aleıshý men Nýno de Kamara Pereıranyń qatysýymen saltanatty kontsert ótti. Olar basqa shyǵarmalarmen qatar, tanymal «Dýdaraı» jáne «Umytylmas kún» qazaq ánderin oryndady. Sondaı-aq, kóptegen qonaqtar, Gımaraesh qalasynyń barlyq turǵyndaryna eki aptaǵa ashylǵan Qazaqstan týraly fotokórmesi aıasynda elimizdiń baı mádenıetimen, ónerimen jáne tabıǵatymen tanysý múmkindigine ıe boldy.
Qurmetti konsýldyq – ózi ókildik etetin eldiń memlekettik qyzmetinde turmaı, sol eldiń jáne onyń azamattarynyń quqyqtary men múddelerin qorǵaýdy qosa, biraq vızalar men ózge de resmı qujattardy berýdi qospaǵanda, ókildik etetin memlekettiń tapsyrmasymen jáne bolý eliniń kelisimimen aqysyz negizde keıbir konsýldyq mindetterdi atqaratyn Qurmetti (shtattan tys) konsýl basqaratyn mekeme.
