Portýgalııa sheteldikter úshin turǵyn úı satyp alý erejelerin qatańdatty

ASTANA. KAZINFORM – Portýgalııa úkimeti turǵyn úı qurylysy salasynda jańa sharalar paketin maquldady. Onyń maqsaty jyljymaıtyn múlik naryǵyndaǵy daǵdaryspen kúresý. Olardy áli parlament maquldaýy tıis, dep habarlaıdy Euronews. 

Usynylǵan sharalardyń ishinde turǵyn úı sektory kópten beri talap etip júrgen jańa salyqtyq yntalandyrýǵa erekshe nazar aýdaryldy: quny 648 myń eýroǵa deıingi turǵyn úı qurylysyna QQS mólsherlemesin 6%-ǵa deıin tómendetý. 6%-dyq QQS mólsherlemesi bolashaqta jalǵa beriletin, jaldaý aqysy 2300 eýrodan aspaıtyn ınvestıtsııalyq turǵyn úılerdiń qurylysyna da qoldanylatyn bolady. Bul somany premer-mınıstr «Lıssabon, Portý jáne basqa da ortasha jaldaý quny joǵary aýdandardyń jaǵdaıyn eskerip qabyldandy» dep túsindirdi.

Portýgalııa premer-mınıstri Lýısh Montenegrýdyń aıtýynsha, Bragansa nemese Freısho-de-Espada-a-Kıntada turatyn adam úshin 2300 eýro qomaqty qarajat bolyp kórinedi, biraq eki-úsh balasy bar otbasy Lıssabon nemese Portýda budan tómen jaldaý aqysy bar úı taba almaıdy. Onyń sózine qaraǵanda, bul «qurylysty jáne jalǵa alý naryǵyn jandandyrý».

Montenegrý bul rejım 2029 jylǵa deıin qoldanysta bolatynyn atap ótti. Ony baǵalaý endigi úkimettiń úlesine qalady.

— Sol ýaqytqa qaraı bul rejım kútken nátıjeni berdi me, joq pa sony túsine alamyz, — dedi premer-mınıstr.

Sonymen qatar, jalǵa berýshiler úshin jańa salyqtyq jeńildikter de bekitildi. Atap aıtqanda, «qoljetimdi baǵamen» jalǵa berýden túsken tabysqa salynatyn jeke tabys salyǵynyń tómendetilgen mólsherlemesi engiziledi.

Al keıbir jalǵa alýshylar úshin tabys salyǵynan jaldaý shyǵyndaryn shegerý kólemi ulǵaıtylady: kelesi jyly eń joǵarysy 900 eýroǵa, al 2027 jyly 1000 eýroǵa deıin. Bul jeńildikterdi «qoljetimdi jaldaý aqysy» bar turǵyndar paıdalana alady.

Taǵy bir jańa shara Portýgalııada turmaıtyn azamattardyń turǵyn úı satyp alýyna salynatyn jyljymaıtyn múlik salyǵynyń kúsheıtilýi.

Sonymen qatar, úkimet «qoljetimdi jaldaý» uǵymyn alyp tastap, zańnamaǵa jańa uǵymdy engizýdi josparlap otyr «qoljetimdi baǵadaǵy turǵyn úıge qoljetimdilik». Bul shekteý turǵyn úıdi satý kezinde 648 myń eýrony, jalǵa berý kezinde 2300 eýro bolady. 

Aıta ketelik Portýgalııa basqa elderden keıin Palestınany moıyndaǵan edi.