Polıtsııa qutqarýshyǵa pyshaq kezegen BQO turǵynyn ustady
ORAL. KAZINFORM – Polıtseıler sý tasqynyna baılanysty óz qyzmettik mindetterin atqaryp júrgen tótenshe jaǵdaılar bóliminiń qyzmetkerin pyshaqpen jaraqattaǵan Kaztalov aýdany Jalpaqtal aýylynyń turǵynyn ustady. Bul týraly Polisia.kz. saıty jazdy.
«Atalmysh fakti boıynsha sotqa deıingi tergeý bastaldy. Quqyq buzýshy ýaqytsha ustaý ızolıatoryna qamaldy» - delingen habarlamada.
Aıta ketý kerek, búginde Oral qalasynda jáne oblystyń bes aýdanynda kóktemgi sý tasqynyna baılanysty jergilikti aýqymdaǵy tabıǵı sıpattaǵy tótenshe jaǵdaı jarııalanǵan. Jergilikti atqarýshy organdar, tótenshe jaǵdaılar qyzmetkerleri men polıtsııa sýdy sorý jáne adamdardy qutqarý boıynsha keshendi sharalar qabyldap jatyr. Jalpy sý tasqynyna qarsy jumystarǵa 919 qyzmetker men 132 qyzmettik tehnıka jumyldyryldy, onyń 700-den astamy polıtsııa qyzmetkeri.
Eske sala keteıik, buǵan deıin Batys Qazaqstan oblysy Kaztalov aýdanynda sý tasqynynan zardap shekken turǵyndarǵa kómektesýge barǵan qutqarýshy pyshaq jaraqatyn alǵanyn jazǵan edik.
