Polıtsııa «hakerlik shabýyl» jasap, 350 mln teńgeni urlaǵan kúdiktini ustady

ASTANA. KAZINFORM – Ótken jyly Jambyl oblystyq balalar aýrýhanasyna «hakerlik shabýyl» jasalyp, saldarynan onyń esepshotynan 350 mıllıon teńge urlanǵan bolatyn.

Bul oqıǵaǵa baılanysty polıtseıler sotqa deıingi tergeý amaldaryn júrgizdi.

Júrgizilgen jedel-izdestirý is-sharalarynyń nátıjesinde atalǵan qylmystyq quqyq buzýshylyqty jasady degen kúdikpen buryn sottalǵan 33 jastaǵy er adam ustaldy.

- Urlanǵan 305 mıllıon teńge aýrýhana shottaryna qaıtaryldy, - delingen Jambyl oblysy PD habarlamasynda.

Qylmystyq istiń materıaldary qosymsha tergeý júrgizý úshin Jambyl oblysy boıynsha Ekonomıkalyq tergeý departamentine jiberildi.

QPK-niń 201-babyna sáıkes, tergeý múddesindegi ózge de málimetter jarııa etilmeıdi.

Eske salsaq Jambyl oblysynda polıtsııa bólimi basshysynyń orynbasary ustalǵany týraly jazǵan edik.