Polıtsııa alaıaqtyqtyń jańa túri týraly eskertedi

ASTANA. KAZINFORM – Sońǵy ýaqytta qaskóıler ózderin medıtsına mamandary retinde tanystyryp, WhatsApp-qa qońyraý shalýdy nemese habarlama jazýdy qolǵa alǵan.

«Sizge dıspanserleý, flıýorografııadan ótý usynylady. Yńǵaıly kúndi tańdap, tirkelý úshin SMS-arqyly kelgen sandardy aıtýdy suraıdy. Eshqandaı jaǵdaıda kodty aıtpańyz! Alaıaqtar sizdiń jeke kabınetterińizge qashyqtan kirip, derbes derekterdi ıemdený arqyly nesıe rásimdeı alady. Bular buryn banktiń qaýipsizdik qyzmetkerleri nemese polıtsııa qyzmetkerleri bolyp habarlasqan alaıaqtar», — dep eskertti polıtsııa qyzmetkerleri.  

Osy týraly jaqyndaryńyzǵa, ásirese, egde jastaǵy adamdarǵa aıtyńyz.