Polıtsııa departamenti Almatyda qaıtys bolǵandardyń sanyn jarııalady

NUR-SULTAN. QazAqparat – Almatydaǵy tártipsizdik kezinde 149 adam qaıtys boldy. Bul týraly búgin Ortalyq kommýnıkatsııalar qyzmetinde Almaty qalalyq Polıtsııa departamentiniń bastyǵy Qanat Taımerdenov málim etti, dep habarlaıdy QazAqparat tilshisi.

«Qarýly qaqtyǵys pen shabýyldar kezinde, 149 adamnyń qaıtys bolǵany ókinishti. Olardyń basym bóligi - qaraqshylar men lańkester, sondaı-aq olardyń qolynan qaza tapqan beıbit turǵyndar da bar», - dedi Q. Taımerdenov.

Onyń aıtýynsha, lańkesterdiń kóbisi qańtardyń 5-inen 6-yna qaraǵan túni polıtsııa bólimsheleri men blokposttarǵa shabýyl jasaý kezinde joıyldy.

Budan buryn habarlanǵandaı, 5 qańtar kúni tańerteń Almatyda qala ortalyǵyna bir mezgilde 20 myń adam jınaldy.

Odan keıin Respýblıka alańyna jınalǵan myńdaǵan shabýylshylar ákimdik ǵımaratyn basyp alýǵa taǵy da árekettengen.

Polıtsııa departamentiniń basshysy Almatyda lańkester 1347 qarý urlaǵanyn aıtty.