Polıtsııa azamattarǵa alaıaqtyq áreketter týraly SMS habarlamalar jiberip jatyr
Saıttaǵy málimetterge qaraǵanda, alaıaqtyq týraly SMS habarlama taratý jóninde 4 tamyzda Іshki ister mınıstriniń Tsıfrlyq damý mınıstrliginiń ókilderimen jáne baılanys operatorlarymen kezdesýi kezinde aıtylǵan.
Mobıldi baılanys Qazaqstannyń árbir turǵynyna turǵylyqty jáne ornalasqan jerine qaramastan qoljetimdi. ıAǵnı, SMS arqyly alaıaqtyq faktileri týraly aqparat berý azamattardy jedel habardar etýge múmkindik beredi.
ІІM saqtyq sharalaryn eske salady:
– aqshany qaýipsiz shottarǵa aýdarý, nesıeni rásimdeý týraly ózderin bank nemese quqyq qorǵaý organdarynyń qyzmetkeri retinde tanystyrǵan adamdarǵa senbeý kerek. Quqyq qorǵaý organdary arnaıy operatsııalardy telefon arqyly júrgizbeıdi;
– ózderin bank, polıtsııa qyzmetkeri retinde tanystyrǵan adamdarǵa derbes derekterdi, plastıkalyq kartalardyń derekterin, aýdarymdar týraly túbirtekterdi, ásirese kodtar men qupııa sózderdi habarlamańyz;
– belgisiz jáne tekserilmegen saıttarǵa jáne basqa kózderge jeke derekterdi bermeńiz. Tekserýsiz aldyn ala tólem júrgizbeńiz. Taýardy alǵannan keıin tólem jasaýǵa kelisýge tyrysyńyz;
– kúmándi sharttar boıynsha aýdarymdardy júzege asyrmańyz;
– qosymshalardy ornatý úshin tek resmı App Store men Play Market kózderin paıdalanyńyz;
– belgisiz adamdardan kelip túsken siltemege kirmeńiz. Kóbinese alaıaqtar tólem jasaý úshin fıshıngtik bolyp tabylatyn silteme boıynsha ótýdi usynady;
– bankıng qyzmetine qol jetkizý qupııa sózderin jıi ózgertip otyryńyz. 3D-qorǵaýdy jáne bankter usynatyn basqa qaýipsizdik sharalaryn qoldanyńyz;
– óz shottaryńyzdaǵy aqsha aınalymyn jıi tekserý qajet.
