Polıtseıler ınternet-alaıaqtar týraly – nómirdi aýystyrý tehnologııasyn qoldanady
«Taldaý kórsetkendeı, 2017 jyly qala aýmaǵynda 90 ınternet-alaıaqtyq, 2018 jyly – 142, 2019 jyly – 666, 2020 jyly 1677 fakti tirkeldi. Ótken jyly osyndaı 2 myńnan astam qylmys tirkelgen. Ustalǵan ınternet-alaıaqtar týraly mysaldar bar. Biraq, qylmystyń bul túrin ashý qıyn. Sebebi olar transshekaralyq sıpatqa ıe. ıAǵnı, jábirlenýshi bir jerde, al kúdikti basqa memlekette bolýy múmkin», - dedi E.Qoıshybaev.
Onyń aıtýynsha, ınternet-alaıaqtar adamdardy aldap-arbaý stsenarııin jıi ózgertip otyrady. Al keıingi ýaqytta ınvestıtsııaǵa qatysty alaıaqtyq faktileri kóbeıgen.
«Aldaýdyń prıntsıpi bir. ıAǵnı, alaıaqtar belgisiz nómirden qońyraý shalyp, jobalar týraly aıtady, oǵan aqsha salýdy usynady, kiristi arttyrýǵa ýáde beredi. Aqshany alǵan soń alaıaqtar joǵalady. Olar sondaı-aq jábirlenýshi ınvestıtsııa jasaǵan soń, onyń kirisi qalaı óskenin kórsetetin jalǵan qosymshany kórsete alady. Biraq, is júzinde bul – ótirik. Adam qarjyny paıdalana almaıdy. Sebebi, mundaı qosymshalarda qaıtaryp alý fýnktsııasy bolmaıdy», - dedi Erkebulan Qoıshybaev.
Sonymen qatar nómirdi aýystyrýmen baılanysty aldaýdyń jańa ádisi paıda bolǵan. Spıkerdiń aıtýynsha, qazaqstandyqtarǵa shetelden qońyraý shalǵanda nómirdi aýystyrý tehnologııasy qoldanylady. Sondyqtan kúdiktini tabý óte qıyn. Alaıaqtar SIM-kartalardy satyp almaıdy, olar telefonnyń negizgi nómirin ózgertetin arnaıy baǵdarlamalyq quraldy paıdalanady. Sondyqtan olar kez kelgen nómirden qońyraý shala alady.
Alaıaqtar kez kelgen elden kóptegen nómirdi ala alatyn SMS-ti belsendirý qyzmeti týraly da aıtyldy.
«Keıin alaıaqtar GSM shlıýzderin paıdalanyp, kez kelgen adamǵa qońyraý soǵa otyryp, bank nómirin, tipti jeke nómirińizdi paıdalana otyryp, ádettegi qońyraýdy ınternet qońyraýyna aınaldyrady. Qazir polıtseıler mundaı saıttarǵa tosqaýyl qoıýda. Nómirdi aýystyrý tehnologııasy paıda bolǵan soń, azamattar nómirlerin alaıaqtar paıdalanǵany týraly polıtsııaǵa habarlasa bastady. Ádette, jábirlenýshiler nómir ıelerine shaǵymdanady. Mundaı qońyraý nómir aýystyrý arqyly jasalǵanyn dáleldeý úshin uıaly baılanys operatoryna qońyraý shalyp, egjeı-tegjeıin bilgen soń, nómirdiń jalǵan ekenin dáleldeı alasyz. Bul qarapaıym telefon trafıgi emes, ınternet qońyraýlary ekenin kórsetedi», - dedi Krımınaldyq polıtsııa basqarmasynyń aǵa jedel ýákili Erkebulan Qoıshybaev.
