Polıtseıler Almatydaǵy kólik tonaýshylar týraly aıtty
Polıtsııanyń habarlaýynsha, ustalǵan adamdardyń 99% jumyssyzdar eken.
«165 adamnyń ishinen 73 adam - Almatyǵa syrttan kelgender. Bul jalpy alǵanda qylmyskerlerdiń 44 paıyzy. Qalǵan adamdar da Almatyǵa syrttan kelip, ýaqytsha tirkelgen adamdar bolýy múmkin. Negizinen mundaı qylmysty syrttan kelgender jasaıdy», - dedi A. Streltsov.
Polıtsııanyń málimetinshe, negizinen Almaly, Áýezov, Bostandyq aýdandarynda kólik tonaý oqıǵalary jıi kezdesedi.
Negizinen mundaı qylmystar kúndizgi saǵat 16:00-22:00 arasynda jasalady.
2018 jyldyń basynan beri Almatyda 1688 kólik tonaý deregi kezdesken. Byltyr 2310 qylmys tirkelgen. 248 qylmystyq is qaralǵan. Al qylmystardyń ashylý kórsetkishi 15,8 paıyzdan 18,8 paıyzǵa artqan.
Aıta ketsek, Qazaqstandyq mánerlep syrǵanaýshy Denıs Ten 19 shilde kúni pyshaq jaraqatynan qaza bolǵan edi. Oqıǵa Qurmanǵazy Baıseıitova kósheleriniń qıylysynda 19 shildede túski saǵat 15:00 shamasynda bolǵan. Sportshy kóliginiń aınasyn urlamaq bolǵan eki adamnyń ústinen túsken. Arada bastalǵan janjaldyń saldarynan urylar Denıs Tenge pyshaq suǵyp alǵan. Ol oń jaq sanynyń joǵarǵy tusyna jaraqat aldy. 25 jastaǵy Ten úsh lıtr qan joǵaltyp, aýrýhanaǵa óte aýyr jaǵdaıda jetkizildi. Biraq Almaty qalalyq Densaýlyq saqtaý basqarmasynyń basshysy Serikbol Mýsınov qosymsha qan qajet emestigin jáne resýrstar jetkilikti ekendigin málim etken bolatyn.
2,5 saǵatqa jalǵasqan reanımatsııalyq sharalarǵa qaramastan, aýrýhana dárigerleri onyń ómirine arasha túse almady. Saǵat 17.30-da Olımpıada júldegeri qaıtys boldy.
Adam óltirý babymen qylmystyq is qozǵaldy.
Búgin belgili bolǵandaı, sportshynyń ólimine qatysy bar eki kúdiktiniń biri ustalyp, ol qylmysyn moıyndady. Ekinshi kúdikti - 1994 jyly týǵan Qyzylorda oblysy, Qarmaqshy aýdany, Aqaı aýylynyń týmasy Arman Qudaıbergenovke izdeý jarııalandy.
