«Pfizer» vaktsınasyn saldyrýǵa qatysty jıi qoıylatyn suraqtarǵa jaýap berildi
1) Vaktsınatsııa jáne revaktsınatsııa úshin koronavırýs ınfektsııasyna qarsy vaktsınalardyń qandaı túrleri bar?
KVI-ge qarsy vaktsınatsııa jáne revaktsınatsııa úshin Alvac, Sinorharm, Komırnatı (Pfizer) vaktsınalary bar. Qazaqstan Respýblıkasynyń kez kelgen azamaty nemese Qazaqstan aýmaǵynda 3 aı jáne odan kóp ýaqyt turatyn shetel azamattary vaktsınatsııanyń bastapqy kýrsyn, sonymen birge revaktsınatsııa ala alady. Olar barlyq kórsetilgen vaktsınalardy qoldana alady.
2) «Komırnatı» vaktsınasy halyqtyń barlyq toptary úshin qoljetimdi me?
«Komırnatı» vaktsınasymen (Phizer) 12 jastaǵy jáne odan úlken barlyq adamdar egile alady. Onyń ishinde Qazaqstan aýmaǵynda 3 aı jáne odan kóp ýaqyt turatyn shetel azamattary da bastapqy vaktsınatsııa kezinde qoldana alady.
3) «Komırnatı» vaktsınasyn (Phizer) qoldana otyryp, qaıtalanǵan vaktsınatsııanyń tolyq kýrsyn kim ala alady?
Shetelge saparǵa shyǵýdy josparlaǵan barlyq adamdar «Komırnatı» (Phizer) vaktsınasyn qoldanyp, vaktsınatsııanyń tolyq kýrsyn qaıta ala alady.
4) Shetelge shyǵatyn adamdar vaktsınatsııanyń tolyq kýrsyn qaıtadan qalaı ala alady?
Shetelge shyǵatyn adamdarǵa rastaıtyn qujattaryn usynyp, Dúnıejúzilik densaýlyq saqtaý uıymy maquldaǵan vaktsınalarmen KVI-ǵa qarsy vaktsınatsııanyń tolyq kýrsyn qaıta alýyna bolady.
Bul rette, vaktsına saparǵa shyǵatyn eldiń talaptaryna baılanysty tańdalady. Egiletin adamnan nemese onyń zańdy ókilderinen profılaktıkalyq egý kýrsyn qaıta júrgizýge jazbasha túrde habardar etilgen kelisim alynǵannan keıin KVI-ǵa qarsy vaktsınatsııanyń tolyq kýrsyn qaıta júrgizýge ruqsat etiledi.
5) Shetelge shyǵatyn kezde vaktsınatsııanyń tolyq kýrsyn qaıtadan alý úshin medıtsınalyq uıymǵa qandaı rastaıtyn qujattardy usyný qajet?
Vaktsınatsııa kýrsyn qaıtadan alý úshin shetelge shyǵýdy rastaıtyn mynadaı qujattardy usyný kerek: vıza (týrıstik, qonaq, iskerlik), oqýǵa, emdelýge shaqyrý, halyqaralyq deńgeıdegi is-sharalarǵa – konkýrstarǵa, kongresterge jáne taǵy basqaǵa qatysatynyn rastaıtyn qujat.
6) KVI-ǵa qarsy sońǵy vaktsınatsııa men vaktsınatsııanyń tolyq kýrsyn qaıtadan alý arasynda ınterval bar ma?
KVI-ǵa qarsy sońǵy vaktsınatsııa (vaktsınatsııa jáne revaktsınatsııa) men KVI-ǵa qarsy vaktsınatsııanyń tolyq kýrsyn qaıtalaý arasyndaǵy ınterval keminde 3 aı.
7) Vaktsınatsııanyń tolyq kýrsyn qaıtadan alǵan kezde alynǵan revaktsınatsııany qaıtalanǵan kýrstyń birinshi dozasy retinde eskerýge bola ma?
Eger dozalar arasyndaǵy ınterval 3 aıdan aspasa, vaktsınatsııanyń tolyq kýrsyn qaıta júrgizý kezinde revaktsınatsııany KVI-ǵa qarsy profılaktıkalyq egýlerdiń birinshi dozasy retinde esepke alýǵa bolady.
8 ) Dúnıejúzilik densaýlyq saqtaý uıymy (DDU) maquldaǵan vaktsınalardy, onyń ishinde «Komırnatı» vaktsınasyn qoldanyp, KVI-ǵa qarsy vaktsınatsııanyń tolyq kýrsyn qaıdan alýǵa bolady?
Shetelge shyǵý maqsatynda KVI-ǵa qarsy vaktsınatsııanyń tolyq kýrsyn turatyn jerdegi profılaktıkalyq egýler júrgizetin medıtsınalyq uıymnan alýǵa bolady.
9) «Komırnatı» (Phizer) vaktsınasymen vaktsınatsııalaý kezinde qandaı ınterval saqtalady?
«Komırnatı» vaktsınasymen KVI-ǵa qarsy egý birinshi dozadan keıin 21-28 kún ıntervalmen eki ret júrgiziledi.
10) «Komırnatı» (Phizer) vaktsınasy qandaı temperatýralyq rejımde saqtalady?
«Komırnatı» (Phizer) vaktsınasy ortalyq qoımada 9 aı boıy mınýs 60-90 gradýs Tselsıı temperatýrada, medıtsınalyq uıymdarda 1 aı boıy plıýs 2-den plıýs 8 gradýs Tselsııge deıin temperatýrada saqtalady. Osyǵan baılanysty, vaktsına medıtsınalyq uıymdarǵa tutyný eskerile otyryp, az mólsherde jetkiziledi.
11) Nelikten egý kabınetinde KVI-ǵa qarsy «Komırnatı» vaktsınasyn alý úshin 6 adamnyń jınalýyn kútý kerek?
«Komırnatı» (Phizer) vaktsınasy bir qutyda 6 dozadan bolady. Vaktsınanyń ashylǵan qutysy plıýs 2-den plıýs 30 gradýs Tselsııge deıin temperatýrada 6 saǵatqa deıin saqtalady. Sodan keıin vaktsına egýge jaramsyz bolady. Osyǵan baılanysty, vaktsınanyń negizsiz esepten shyǵarylýyn boldyrmaý úshin qutynyń mólsherin eskere otyryp, egiletin adamdar sanynyń jınalǵany mańyzdy, ıaǵnı qysqa ýaqyt ishinde 6 adamdy egý kerek, osyǵan baılanysty bul máselege túsinistikpen qaraýdy suraımyz.
12) Eger adam basqa elde «Komırnatı» Phizer vaktsınasynyń birinshi dozasyn alsa, onda Qazaqstanda vaktsınatsııa kýrsyn aıaqtaýǵa bola ma?
Qazaqstan Respýblıkasynan tys jerde «Komırnatı» (Phizer) vaktsınasyn qoldana otyryp KVI-ǵa qarsy vaktsınatsııanyń birinshi dozasyn alǵan adamdar Qazaqstanda osy vaktsınamen vaktsınatsııa kýrsyn aıaqtaı alady (tıisti ıntervalmen ekinshi dozany alady).
13) «Komırnatı» (Phizer) vaktsınasynyń qansha dozasy bar? Vaktsınatsııa jáne revaktsınatsııa úshin vaktsına jetkilikti me?
Osy jyldyń naýryz aıynyń sońyndaǵy jaǵdaı boıynsha respýblıkada shamamen 2 mln. doza «Komırnatı» (Phizer) vaktsınasy bar, ol aldaǵy aılarda egiletin adamdardy vaktsınatsııalaý jáne revaktsınatsııalaý qajettiligin qamtamasyz etedi.
14) Vaktsınatsııa pasportynda qaıtalanǵan kýrs qalaı kórsetiledi?
KVI-ǵa qarsy vaktsınatsııany júrgizý nátıjeleri boıynsha Qazaqstan Respýblıkasynyń azamattarynda jáne turýǵa yqtııarhaty bar shetel azamattarynda «eGov mobile» mobıldik qosymshasynyń «Tsıfrlyq qujattar» servısinde elektrondyq «Vaktsınatsııa pasporty» bar. Elektrondyq «Vaktsınatsııa pasportynda» vaktsınatsııa jáne revaktsınatsııa týraly derekter kórsetiledi.
15) KVI-ǵa qarsy vaktsınatsııa pasporttary qandaı eldermen ózara tanylady?
Qazirgi ýaqytta álemniń 33 elimen vaktsınatsııa pasporttaryn ózara taný týraly kelisim jasaldy, olar: Argentına, Belız, Bolıvııa, Brazılııa, Ulybrıtanııa, Vengrııa, Grýzııa, Indonezııa, Iran, Iordanııa, Ispanııa, Kanada, Qyrǵyzstan, Maldıv, Mońǵolııa, Armenııa, Belarýs, Moldova, Perý, San-Marıno, Serbııa, Týnıs, Úndistan, Fılıppın, Taıland, Túrkııa, Ózbekstan, Chehııa, Chernogorııa, Estonııa, Japonııa, Shrı-Lanka, Ekvador elderi.
