Pfizer vaktsınasy balalarǵa emhanalarda salynady - Atyraý oblysy

ATYRAÝ. QazAqparat – Atyraý oblysynda balalarǵa Pfizer vaktsınasy emhanalarda salynady, dep habarlaıdy QazAqparat.

Budan buryn Atyraý oblysynda Pfizer vaktsınasyn 76 myń adam alatynyn jazǵan edik.

Oblystyq densaýlyq saqtaý basqarmasynyń baspasóz qyzmetinen málim etkendeı, erteń, 12 qarashada Atyraýǵa ızraıldik Pfizer vaktsınasynyń alǵashqy 17 550 dozasy jetkiziletini kútilip otyr.

Atyraý oblysyna 9 qarashada vaktsınany muzdatýǵa arnalǵan 2 kamera ákelindi. Qazir oblysta 12 men 18 jas aralyǵyndaǵy 63 138 bala esepte tur. Onyń ishinde 70%-y nemese 44 196 adam Covid-19 ınfektsııasyna qarsy vaktsına saldyrýshylar tizimine engizildi. Biraq, 12 men 18 jas aralyǵyndaǵy balalarǵa vaktsına ata-anasynyń ruqsatymen turǵylyqty meken-jaıynda tirkelgen emhanalarda salynady» -dep málim etti basqarmanyń baspasóz qyzmetinen.