Petropavldaǵy №2 qalalyq sotyna «jarylǵysh zat qoıyldy»
Soltústik Qazaqstan oblystyq soty baspasóz qyzmetiniń málimetinshe, búgin saǵat 10:30 shamasynda Petropavldaǵy Brýsılovskıı kóshesi, 60 meken jaıyndaǵy №2 sottyń ǵımaratyna jarylǵysh zat qoıylǵandyǵy týraly habar túsken.
«Petropavldaǵy №2 sottyń jáne sot qyzmetkerleriniń elektrondy poshtalaryna «sottardyń ǵımarattaryna jarylǵysh zattardyń qoıylǵandyǵy týraly» habarlama kelip tústi.
Oqıǵa ornyna jetken Petropavl qalalyq polıtsııasynyń jedel tergeý toby jáne oblystyq tótenshe jaǵdaılar departamentiniń qyzmetkerleri saǵat 10:30-da №2 qalalyq sottyń jáne osy ǵımaratta otyrǵan mamandandyrylǵan aýdanaralyq ekonomıkalyq sottyń sýdıalary men qyzmetkerlerin qaýipsiz jerge evakýatsııalady.
Ǵımaratty tekserý kezinde polıtsııa qyzmetkerleri jarylǵysh zatty tappady», - delingen habarlamada.
Sot ǵımaratyn tekserý jumystary saǵat 11:20-da tolyq aıaqtalyp, sottardyń qyzmetkerleri jumys oryndaryna qaıtyp oraldy.
Buǵan deıin Almatydaǵy qalalyq sottyń ǵımaratyna da jarylǵysh zat qoıylǵandyǵy týraly habar túsip, sýdıalar men qyzmetkerlerdi evakýatsııalaýǵa týra kelgenin aıtqan edik.
