Petropavldaǵy tarıhı nysandardyń keıbiri apatty jaǵdaıda tur
PETROPAVL. KAZINFORM — Petropavlda sońǵy bes jylda qala aýmaǵynda ornalasqan barlyq eskertkish tekserildi. Monıtorıng barysynda keı tarıhı nysandarǵa kúrdeli jóndeýdiń qajettigi anyqtalǵan, tipti apattyq jaǵdaıda turǵandary da bar. Bul týraly «AMANAT» partııasy janyndaǵy «Miras» qoǵamdyq keńesi otyrysynda aıtyldy.
SQO tarıhı-mádenı murany qorǵaý jáne paıdalaný ortalyǵy dırektory Asqar Jámenovtiń aıtýynsha, Petropavlda 107 tarıh jáne mádenıet eskertkishi bar. Onyń ishinde 4 eskertkish respýblıkalyq mártebege ıe, olar: «Abylaı han rezıdentsııasy», ıAngýzarov kópestiń úıi, ıÝzefovıch kópestiń úıi jáne Qarasaı men Aǵyntaı batyrlardyń eskertkishi.
«2019-2024 jyldar aralyǵynda tarıhı-mádenı murany qorǵaý jáne paıdalaný ortalyǵy qala qurylysy eskertkishterine turaqty túrde monıtorıng júrgizip keledi. Máselen Qarasaı men Aǵyntaı batyr eskertkishi tuǵyrynyń qaptaý-granıt plıtkalaryn aýystyrý qajet. Josparlanbaǵandyqtan, bıýdjetten qarjy bólinbedi. «Qonys aýdarý pýnkti» apatty jaǵdaıda tur. Petropavl qalasy ákimdiginiń menshiginde, kelesi jyly jóndeý josparlanǵan. «Bajenov kópestiń úıi» — ol da Petropavl qalasy ákimdiginiń menshiginde, eskertkishtiń qazirgi jaı-kúıin sıpattaıtyn hat SQO mádenıet, tilderdi damytý jáne arhıv isi basqarmasyna joldandy. «Dmıtrıev kópestiń úıi» jeke menshik ıeliginde bolǵan, ıesi qaıtys boldy, búginde Jýsan bankte kepilde tur. Apatty jaǵdaıda turǵan nysandy birneshe jyl boıy bankpen jáne qala ákimshiligimen eskertkishti ıesiz dep taný jáne qala balansyna qoıý týraly birneshe ret kelissóz júrgizilip jatyr», — deıdi Asqar Jámenov.
Ortalyq dırektorynyń aıtýynsha, apattyq jaǵdaıda turǵan «Shýlepov kópestiń úıi» QR UQK Shekara qyzmetiniń 2032 áskerı bólimine qaraıdy. Qazirgi ýaqytta Shekara qyzmetiniń ókilderimen konsýltatıvtik jumys júrgizilip jatyr.
«Merdiger Pırogovtyń úıine» de jóndeý qajet. Jeke menshiktegi nysan nóser káriziniń bolmaýyna baılanysty jańbyr jaýyp, qar erigen kezde sýda qalady. Eskertkishke jóndeý jumysy qajet.
«Ortalyq, tarıhı-mádenı mura obektilerinde ǵylymı-restavratsııalaý jáne jóndeý jumystaryna baqylaý júrgizedi. Jumystar bıýdjet qarajaty esebinen, sondaı-aq tarıh jáne mádenıet eskertkishteriniń menshik ıeleri men paıdalanýshylarynyń qarajaty esebinen júzege asyrylady. Qoldanystaǵy zańnamanyń talaptaryna sáıkes bul jumys túrlerin lıtsenzııasy bar mamandandyrylǵan uıymdar júrgizedi», — deıdi ortalyq dırektory.
Asqar Jámenovtiń aıtýynsha, bıyl Petropavlda 3 nysanda jóndeý-restavratsııalaý jumystary júrgizildi. Olar — XX ǵasyrdyń basynda salynǵan «ıAngýrazov kópestiń úıi», «Energetıkter mádenıet úıi» jáne XIX ǵasyrdyń 2-shi jartysyna qaraıtyn meshit.
Esterińizge salaıyq, Petropavldaǵy halyq arasynda «qalyńdyq úıi» degen atpen tanymal ıAngýzarov kópestiń úıin jóndeýge bıyl 200 mln teńge bólindi.