Petropavlda jasy jetpisten asqan zeınetker ýnıversıtette bilim almaq
PETROPAVL. KAZINFORM – Petropavl turǵyny, zeınetker Nýrııa Bıkmetova jergilikti ýnıversıtetke qujattaryn tapsyryp, oqýǵa tústi.
Ol kúndizgi bólimde aqyly túrde oqyp, kóp jyldar boıy armandaǵan zańger mamandyǵyn meńgerip shyqpaq.
- Men adamdarǵa kómekteskendi jaqsy kóremin. Qazir kásibı medıatormyn. 2021 jyly oqýyn oqyp, sertıfıkatyn aldym. Bilimimdi tolyqtyryp, Qazaqstan zańdaryn bilip, ony is júzinde qoldanǵym keledi. Joǵary bilim alý burynnan oıymda júrgenimen, endi ǵana sáti túsip jatyr, - deıdi Nýrııa Bıkmetova.
Áıel adamnyń joǵary saıası bilimi bar, Máskeýdiń psıhologııa ınstıtýtyn jáne Petropavldaǵy ekonomıkalyq kolledjdi támamdaǵan. Kırov atyndaǵy zaýytta 18 jyl jumys istedi, keıin jylý jelileri kásipornynda eńbek etti.
Qazir qoǵamdyq jumystarǵa belsene qatysyp, áleýmettik máselelerdiń sheshilýine atsalysyp júr.
- Ákimdikke qaıta-qaıta baryp júrip, eki kósheniń jáne trotýardyń jóndelýine, úıimizdiń shatyryn aýystyrýǵa sebepshi boldym, - deıdi zeınetker.
Nýrııa Bıkmetova dáristerdi qaldyrmaı, bar yntasymen bilim almaq.
- Maǵan jasyma baılanysty eshqandaı jeńildik kerek joq. Men qujat úshin emes, bilý úshin oqımyn. Sol sebepti sabaqty qaldyrmaı, yjdaǵatty stýdent bolmaqpyn, - deıdi Nýrııa Bıkmetova.
Buǵan deıin SQO-da myńǵa jýyq ustazdyń orny bos turǵanyn jazǵan edik.