Petropavlda úılerine sý kirgender endi jedel shtabqa júgine alady
PETROPAVL. KAZINFORM — Petropavlda sý basý máselelerine qatysty eki jedel shtab quryldy.
Petropavl qalalyq ákimdiginiń málimetinshe, onyń biri Jumysshy kentinde ornalasqan. Krasın kóshesi, 64 mekenjaıda ornalasqan shtabqa turǵyndar táýlik boıy júgine alady.
Ekinshisi byltyr sý tasqynynan keıin paıda bolǵan jańa shaǵyn aýdan — «Birlikte» ornalasqan. Úılerine sý kirgen jaǵdaıda turǵyndar «Apelsın» dúkeniniń ǵımaratynda ornalasqan jedel shtabqa habarlasqany jón.
«Qazgıdromet» RMK Soltústik Qazaqstan oblysy boıynsha fılıaly 17 naýryzǵa eskertý jarııalady. Qar qarqyndy erıdi, kúndiz jaýyn jaýmaq. Oblystyń batysynda, soltústiginde kóktaıǵaq bolyp, tuman túsedi. Birqatar aýdanda kúndiz ońtústik-batystan soqqan jeldiń kúshin 23-28 m\s deıin jetpek.
Sondaı-aq, sınoptıkter búginnen bastap gıdrologııalyq beketterdi kúndelikti baqylaýǵa aldy. Ázirge sýdyń táýlik ishindegi ózgerýi ortasha 1-2 sm shamasynda ǵana. Tek Severnoe aýylynyń mańynda Shaǵalaly ózeniniń deńgeıi 7 sm kóterilgen.
Buǵan deıin SQO-da kún kúrt jylynyp, kóshelerden qar eki aýysymmen shyǵarylyp jatqanyn jazdyq.