Petropavlda sý berý toqtap qaldy
PETROPAVL. KAZINFORM – Petropavlda eki saǵattan beri sý joq. Turǵyndar muny tasqyn sýmen baılanystyryp, dúkenderden bótelkedegi sýlardy kóptep alyp jatyr. Sýmen qamtýshy kompanııa ókilderi jaǵdaıǵa baılanysty tek eki saǵattan keıin ǵana aqparat berdi.
«Búgin saǵat 9:55-te birinshi kótergish sorǵy stantsııasynda elektr energııasy apattyq jaǵdaıda sóndi. Qazirgi ýaqytta munda elektrmen qamtýshy kompanııa qalpyna keltirý jumystaryn júrgizip jatyr. Sorǵy stantsııasyna elektr qýaty berilisimen-aq, Petropavldy sýmen qamtý qalpyna keledi. Barlyq áleýmettik nysandarǵa sýdy jetkizip beremiz.
Oblys ortalyǵynyń turǵyndarynan dúrbeleńge salynbaýdy suraımyz. Tek resmı aqparatqa ǵana senińizder», - dedi «Qyzyljar sý» JShS atqarýshy dırektory.
Buǵan deıin Petropavlda Esil ózeniniń sýy tasyp jatqanyn aıtqan edik.
