Petropavlda kartop shekteýsiz satylyp jatyr

PETROPAVL. KAZINFORM – Petropavlda turaqtandyrý qorynyń saýda oryndarynda kartop kelisi 97 teńgeden satylyp jatyr.

«Soltústik» ÁKK» AQ basqarma tóraǵasy Jaqsylyq Esdáýletovtiń aıtýynsha, kartop jetkilikti. Bıyl turaqtandyrý qoryna 1200 tonna ónim alynady, tıisti kelisimder jasaldy. Qalǵan ónimder de qordyń saýda oryndarynda shekteýsiz satylyp jatyr. 

Turaqtandyrý qoryna áleýmettik mańyzy bar 14 azyq-túlik ónimi satyp alynady. 

«Soltústik» ÁKK» AQ óz saýda oryndary Petropavlda jeti orynda ornalasqan, olar: «Darııa», «Altyn arman», «Taıga», «Qyzyl Jar», «Almaty-Petropavl» bazarlary jáne «Korona», «Okean» saýda úıleri. Al Qyzyljar aýdanynyń turǵyndary «Qazposhta» AQ ǵımaratynda ornalasqan saýda ornynan azyq-túlikti arzan baǵaǵa satyp ala alady. 

Petropavldaǵy iri sýpermarketterde de turaqtandyrý qorynyń ónimderi satylady.

Buǵan deıin Atyraýda kartop 1 adamǵa 3 keliden satylyp jatqanyn jazǵan edik.