Petropavlda gaz quıý stansasynan órt shyǵyp, bir adam kúıik aldy
Petropavlda gaz quıý stansasynan órt shyqty. Saldarynan gaz tasıtyn avtotsısternanyń júrgizýshisi kúıik alyp, aýyr halde aýrýhanaǵa jetkizildi, dep habarlaıdy QazAqparat tilshisi.
Petropavldaǵy Jambyl kóshesinde ornalasqan gaz quıý stansasyndaǵy órttiń beınejazbasy áleýmettik jelide tarady. Soltústik Qazaqstan oblysy Tótenshe jaǵdaılar departamenti baspasóz qyzmetiniń málimetinshe, órt Petropavldaǵy Jambyl kóshesi 231 mekenjaıynda ornalasqan gaz quıý stansasynan shyqqan. Shaqyrtý saǵat 11.20 mınýt ketkende tústi. Mamandar oqıǵa ornyna sanaýly mınýtta jetti.
Jalyndy aýyzdyqtaýǵa 9 tehnıka jáne jeke quramnyń 43 mamany jumyldyryldy.
«Budan bólek oqıǵa ornyna jedel járdem qyzmetiniń úsh avtokóligi keldi. Polıtsııa qyzmetkerleri órt shyqqan jerdi oqshaýlady. Órt sóndirýshiler kelgen kezde stantsııanyń janyndaǵy gaz tasıtyn avtotsısternanyń janyp jatqandyǵyn kórgen. Jedel shara qoldanyp, kóliktegi órt sóndirildi. Qaıta janbaýy úshin tıisti jumystar júrgizildi. Gaz tasıtyn avtotsısternanyń júrgizýshisi kúıik aldy, - dedi oqıǵa ornyna barǵan SQO TJD bastyǵy Erik Sarybaev.
Órt barysynda gaz tasıtyn mashınaǵa, gaz quıý stantsııasynyń ǵımaratyna zaqym keldi. Órt shalǵan aýmaq 20 sharshy metrdi qurady.
Qazirgi ýaqytta órttiń shyǵý sebebi jáne kelgen shyǵyn mólsheri anyqtalyp jatyr.
SQO Densaýlyq saqtaý basqarmasy baspasóz qyzmetiniń málimetinshe, kúıik alǵan 58 jastaǵy kólik júrgizýshisi Petropavl qalalyq kópbeıindi aýrýhanaǵa jetkizildi, jaǵdaıy nashar.
Posmotret etý pýblıkatsııý v Instagram
Posmotret etý pýblıkatsııý v Instagram
