Petropavlda byltyr abattandyrý erejelerin buzýdyń 5 myń deregi tirkeldi
Soltústik Qazaqstan oblysy polıtsııa departamenti baspasóz qyzmetiniń málimetinshe, jeltoqsan aıynyń sońynda Petropavl polıtsııasyna qala turǵyny qońyraý shalǵan. Ol kóshelerdiń birin tazartý barysynda jol jıeginde ósken aǵashtarǵa zaqym keltirilgenin aıtqan. Nátıjesinde sol jerde jumys istegen eki merdiger uıymǵa ákimshilik hattama toltyryldy.
Petropavl qalasy polıtsııa basqarmasynyń bastyǵy Jandos Muqatovtyń aıtýynsha, quqyq buzýshyny izdeýge ýchaskelik ınspektorlar men qalalyq patrýldik polıtsııa batalonynyń qyzmetkerleri jumyldyrylǵan. Qyzmetterdiń úılesimdi jumysynyń arqasynda 23 jastaǵy qala turǵyny – merdiger uıymdardyń biriniń qar tazalaıtyn arnaıy tehnıkasynyń júrgizýshisi qysqa ýaqyt ishinde anyqtaldy. Ol júk tıegishpen qar artyp júrgen kezde abaısyzda jasyl jelekti zaqymdaǵan. QR ÁQBtK-niń 505-babynyń 1-bóligi «Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý» boıynsha jigitke hattama toltyryldy.
Ótken jyly Petropavl polıtseıleri abattandyrý erejelerin buzǵany úshin 4826 quqyq buzýshyny ákimshilik jaýapkershilikke tartty. Bul negizinen belgilenbegen jerlerge qoqys tastaý, qysta – qar úıý faktileri. Aıyppul qasaqana ereje buzǵandarǵa salynady. Negizinen eskertý túrindegi ákimshilik yqpal etý sharasy qoldanylady.