Petropavlda bir apta boıy ystyq sý bolmaıdy
PETROPAVL. KAZINFORM — Petropavlda qysqa daıyndyq barysynda magıstraldy jeliler tekserilip jatyr.
«Petropavl Jylý jelileri» JShS-gi búginnen bastap jylý jelilerinde gıdravlıkalyq synaqty bastady. Bul tekserý jumystary jospar boıynsha 24 tamyzǵa deıin jalǵaspaq.
Mamandardyń aıtýynsha, gıdravlıkalyq synaq QR Energetıka mınıstriniń buıryǵymen bekitilgen elektr stantsııalary men jelilerin tehnıkalyq paıdalaný qaǵıdalaryna sáıkes júrgiziledi. ıAǵnı jóndeý jumystary aıaqtalǵannan keıin jáne jylytý maýsymy bastalǵanǵa deıin qubyrlar men ornatylǵan bekitý jáne retteý armatýralarynyń tyǵyzdyǵy men beriktigin qaıta tekserilýi tıis. Synaq kezinde magıstraldyq jelilerdegi qysym ádettegimen salystyrǵanda 25% artady. Al jylý tasyǵyshtyń temperatýrasy +40°C-tan aspaıdy. Osy ýaqyt aralyǵynda Petropavl qalasynda ystyq sý berý ýaqytsha toqtatylady.
Synaqtar aıaqtalǵan soń tutynýshylarǵa ystyq sý kezeń-kezeńimen berile bastaıdy. Aqaýlar anyqtalǵan ýchaskelerde jóndeý júrgizilip, bul úılerge ystyq sý jumys aıaqtalǵannan keıin ǵana beriledi.
Buǵan deıin Qostanaıda jylý jelileri bes jerden tesilip, saldarynan ystyq sýmen qamtýdy ýaqytsha toqtatýǵa týra kelgenin jazǵan edik.
13 tamyzdan bastap qalada ystyq sý berý jumystary bastaldy.