Petropavlda 66 jastaǵy turǵyn on kúnnen beri tabylmaı jatyr

PETROPAVL. QazAqparat – Soltústik Qazaqstan oblysynda úıinen shyǵyp, qaıtyp oralmaǵan 66 jastaǵy er adamdy polıtsııa men volonterler izdep jatyr, dep habarlaıdy QazAqparat tilshisi.

Petropavl qalalyq krımınaldyq polıtsııa bóliminiń málimetinshe, 1954 jyly týǵan Qalymjan Seıfýtdınuly Ǵabdýnasov 19 naýryz kúni saǵat 9.00 shamasynda Petropavldaǵy Altynsarın kóshesindegi úıinen shyǵyp ketip, qaıtyp kelmegen.

Er adam aryqsha kelgen, boıy 164 sm shamasynda, qysqa aq shashty, murtty, qoı kózdi. Sol kúni ústinde qysqa qońyr kúrteshe, qara bas kıim, kúzetshiniń sur tústi arnaıy kostıými, qara aıaq kıim bolǵan.

Polıtseıler izdeý jarııalanǵan er adamdy kórgen-bilgender bolsa 8(7152) 39-48-37, 39-48-07, 8-747-559-70-71, 102 telefon nómirlerine habarlasýdy suraıdy.