Petropavlda 3 jasar bala besinshi qabattan qulap ketti

PETROPAVL. KAZINFORM – Petropavlda joǵary qabattan qulaǵan bala aman qaldy. Biraq jaǵdaıy aýyr, qazir oblystyq balalar aýrýhanasynda jatyr. 

Oqıǵa 17 qyrkúıek kúni bolǵan. Bir sát eresekterdiń baqylaýynsyz qalǵan bala terezeden abaısyzda qulap ketken.

Soltústik Qazaqstan oblystyq polıtsııa departamenti baspasóz qyzmetiniń málimetinshe, qazir osy derekke qatysty tekseris júrgizilip jatyr. 

– Balany jalǵyz ózin qaraýsyz qaldyrýǵa bolmaıdy. Páterde qaýipsiz jaǵdaı jasap, terezelerge úıdi jeldetýge arnalǵan arnaıy bekitkishter ornatý qajet, - dep eske saldy tártip saqshylary. 

Buǵan deıin Astanada terezeden qulaǵan 3 jasar balanyń kóz jumǵanyn jazǵan edik.