Petropavlda 20 metr bıikten qulaǵan jigit aman qaldy

PETROPAVL. KAZINFORM — Petropavlda qurylys alańynda júrgen jumysshy 20 metr bıiktikten qulap ketti.

Soltústik Qazaqstan oblystyq polıtsııa departamentiniń málimetinshe, bul oqıǵa Petropavldaǵy qurylys obektileriniń birinde bolǵan. Er adam 20 metr bıiktikten qulap zardap shekti. Polıtsııa taý-ken nemese qurylys jumystaryn júrgizý kezinde qaýipsizdik qaǵıdalaryn buzý faktisi boıynsha sotqa deıingi tergeýdi bastady.

SQO densaýlyq saqtaý basqarmasy baspasóz qyzmetiniń málimetinshe, Petropavldaǵy kópbeıindi qalalyq jedel járdem aýrýhanasyna bıiktikten qulaý saldarynan kóptegen jaraqat alǵan 29 jastaǵy er adam jetkizildi. Jigit aýyr jaraqat alyp, jaǵdaıy aýyr bolǵanymen, keýde, sol jaq ıyq, jambas jáne eki tómengi aıaqtyń qatty aýyrsynýyna shaǵymdanǵan. Ol shuǵyl túrde jansaqtaý bólimine jatqyzyldy.

Dárigerler er adamdy tekserý barysynda oń jaǵynda pnevmotoraks, ókpeniń soǵylýyn jáne ıyq, buǵana, jambas jáne aıaqtarynyń jabyq synyǵyn anyqtady. Sondaı-aq syrqatta 2 dárejeli travmatıkalyq shok bolǵan.

Mamandardyń aıtýynsha, qazir naýqastyń jaǵdaıy turaqtandy. Tórt kúnnen keıin ol jaraqat bólimine aýystyryldy. Qazirgi ýaqytta er adamnyń jaǵdaıy aýyr bolǵanymen, turaqty. Oǵan qajetti medıtsınalyq kómek kórsetilip jatyr.

Buǵan deıin SQO-da qalyń qarda balyq aýlaýǵa shyqqan 6 adamǵa qutqarýshylardyń kómegi qajet bolǵanyn jazǵan edik.