Petropavlda 16 elden 170-ke jýyq sheteldik joǵary bilim alyp jatyr

PETROPAVL. KAZINFORM – Soltústik Qazaqstan oblysynda bilim berý týrızmi damyp jatyr. Qazir jergilikti ýnıversıtette shetten kelgen myńǵa jýyq jas oqıdy.

Ekaterınbýrg qalasynyń turǵyny Egor Rohın Kozybayev University-ge bıyl tústi. Qazir ol qos dıplomdy baǵdarlamamen IT baǵyty boıynsha bilim alyp jatyr.

- Ýnıversıtetti bitirgennen keıin birden eki dıplom alý múmkindigi qyzyqtyrdy. Qolymda qazaqstandyq jáne amerıkandyq dıplom bolady. Bizge qazir álemdegi jetekshi professorlar dáris oqıdy. Sabaqtar tolyǵymen shet tilinde ótedi, bul aǵylshyn tilin meńgerý deńgeıin arttyrýǵa jáne keıin semestr boıy Arızonada oqýǵa múmkindik beredi, - deıdi stýdent.

M.Qozybaev atyndaǵy Soltústik Qazaqstan ýnıversıteti 2022 jyldan beri AQSh-tyń Arızona ýnıversıtetimen qos dıplomdy baǵdarlamalar boıynsha bilim berip keledi. Túlekter oqý bitirgesin Kozybayev University ı The University of Arizona dıplomdaryn qolǵa alady.

Sheteldikter Kozybayev University-ge qos dıplomdy baǵdarlamalarǵa aqyly negizde oqý úshin túsýge quqyly. Búgingi tańda ýnıversıtette 16 elden 169 sheteldik stýdent oqıdy jáne bul kórsetkish únemi ósip keledi. Al jalpy Qazaqstannyń basqa óńirleri men shetelden kelip oqyp jatqan stýdentterdiń sany myńnan asady.

- Ýnıversıtet Ortalyq Azııa men Reseı elderinde halyqaralyq bilim berý kórmelerin, onlaın-prezentatsııalar jáne stýdenttermen kezdesýler ótkizedi. Talantty talapkerlerdi tartý úshin osy óńirlerdiń bilim berý uıymdarymen ókildikter men seriktestikter jelisi damyp keledi. Osylaısha, Kozybayev University Ortalyq Azııanyń halyqaralyq bilim berý habyna aınalmaq, - deıdi Kozybayev University basqarma tóraǵasy-rektor Erbol Isaqaev.

Qazaqstandyq stýdentter qos dıplomdyq baǵdarlama boıynsha tegin bilim ala alady. Grant boıynsha bilim berý úsh baǵytta: ІT, bıotehnologııa, ınklıýzıvti bilim berý boıynsha júrgiziledi. Al jalpy halyqaralyq baǵdarlamalar 11 baǵyt - bıotehnologııa, IT, hımııalyq saraptama, elektronıka jáne telekommýnıkatsııa, astronomııa, bıznes ı menedjment boıynsha oqytylady.

- Stýdentterge dáristi qazaqstandyq jáne Amerıka, Túrkııa, Italııa, Polshadan kelgen jetekshi professorlar oqıdy. Bıyl 40 stýdent Týson qalasyndaǵy Arızona ýnıversıtetiniń negizgi kampýsyna oqýǵa barady. Kelesi jyly 125 stýdentti jiberemiz. Barlyq shyǵyndy ýnıversıtet kóteredi. Eger stýdent óz qarajatyna barsa 40 myń AQSh dollaryn tóler edi, - deıdi Erbol Isaqaev.

Rektordyń aıtýynsha, strategııalyq áriptestik aıasynda ǵylymı jumystar da qolǵa alynǵan. Máselen, 2024 jyldyń sáýir aıynda Kozybayev University Arızona ýnıversıtetimen jáne Qytaı Halyq respýblıkasynyń soltústik-batys aýyl jáne orman sharýashylyǵy ýnıversıtetimen birlesip sý resýrstary ǵylymı ortalyǵyn qurý týraly konsortsıýmǵa qol qoıdy. Ortalyq bazasynda óńirdiń ırrıgatsııa, azyq-túlik qaýipsizdigi, jerdiń tozýy, sý resýrstaryn tolyqtyrý jáne basqarý salasyndaǵy problemalaryn sheshýge baǵyttalǵan zertteýler júrgizilmek.

Mundaı sheteldik áriptestermen birlesken zertteýler Soltústik Qazaqstan oblysynyń damýyna serpin beredi.

- Ýnıversıtet Ǵylymı zertteýlerdiń nátıjelerin kommertsııalandyrýǵa jáne olardy kásiporyndarǵa engizýge baǵyttalǵan úsh jobany tabysty iske asyryp jatyr, olar ýnıversıtet bıýdjetine 10% astam roıaltı ákeledi. Atap aıtqanda, «Sý ǵylymı-tehnologııalyq ortalyǵy» JShS - hlorella mıkrobaldyrlaryn qoldana otyryp sý obektilerin tazartý. Tehnologııa elimizdiń 3 qalalyq sý mekemesinde – Petropavl, Qostanaı jáne Shymkentte qoldanylyp jatyr. «SK Proteın» JShS – iri qara mal men jylqy terilerinen jemdik qospa - proteın óndirý tehnologııasy. https://kaz.inform.kz/news/sko-da-siir-men-zhilki-terler-ske-zharap-odan-protein-ondrlp-zhatir-488b35/Investıtsııa - 850 mln teńge. Kásiporynda 50 jumys orny quryldy. Zaýytta 11 tonnaǵa jýyq terini kádege jaratýǵa bolady. Onyń ishinde bes myń tonnaǵa jýyq aqýyz óndiriletin bolady. Al úshinshisi «Agrosoil Company» JShS - topyraqty joǵary sapaly taldaýǵa mamandanǵan kompanııa, - deıdi ýnıversıtet rektory.

Buǵan deıin SQO-da 2 myńǵa jýyq jas memlekettik tapsyrys boıynsha jumysshy mamandyqtarǵa oqyp jatqanyn jazǵan edik.