Petropavlda 116 otbasy qonys toıyn toılady
«Nurly jer» baǵdarlamasynyń «Satyp alý quqyǵymen jalǵa beriletin turǵyn úı» baǵyty Qazaqstan halqyn qoljetimdi turǵyn úımen qamtamasyz etýdi kózdeıdi. Baǵdarlama operatorlarynyń biri - «Qazaqstan Ipotekalyq Kompanııasy».
Kezekte turǵan adamdar úshin jaldaý qunynyń 1 sharshy metri - aıyna 772,7 teńge. Páter alǵandardyń arasynda kópbalaly otbasylar, múgedek balalary bar nemese olardy tárbıeleýshi otbasylar, jetim jáne ata-ana qamqorlyǵynsyz qalǵan balalar jáne halyqtyń áleýmettik osal toptaryna jatatyn basqa da azamattar bar.
«Qazaqstan Ipotekalyq Kompanııasy» IU» AQ Basqarýshy dırektory Arman Muhatovtyń aıtýynsha, satyp alý quqyǵymen jalǵa beriletin turǵyn úı - eń osal sanatqa jatatyn azamattar úshin baspana máselesiniń ońtaıly sheshimi.
«Bul júıe shyn máninde muqtaj adamdarǵa turǵyn úı alýǵa kepildik beredi. Bastapqy jarna men artyq tólemder joq, sonyń arqasynda otbasy artyq shyǵyndanbaıdy. Sonymen qatar, páter tazalap, árlenip beriledi, ıaǵnı kezekte turǵan adamdar kiltti alǵannan keıin birden qonystana alady», - deıdi basqarýshy dırektor.
Petropavl qalasynyń turǵyndaryna Qazbek Baıbýlov kóshesi, 69-úı mekenjaıynda ornalasqan úıden bir bólmeli - 36, eki bólmeli - 58 jáne úsh bólmeli - 22 páter berildi.
Páterlerdiń aýdany - 39,5 sharshy metrden bastap 78,5 sharshy metrge deıin.
Qonystanýshylarǵa páter kiltin tabystaǵan Soltústik Qazaqstan oblysynyń ákimi Qumar Aqsaqalov bul úıdiń «Nurly Jer» baǵdarlamasy aıasynda salynǵanyn erekshe atap ótti.
«Memlekettik baǵdarlama arqasynda qalamyzda turǵyn úıler kóptep salynýda. Byltyr biz 1000 páter, bıyl 1209 páterdi ıelerine tapsyrdyq. «Nurly Jer» sııaqty memlekettik baǵdarlamalardyń arqasynda otandastarymyz óz ómirlerin sapaly túrde jaqsarta alady» dedi ol.
Jyl sońyna deıin Petropavlda úı kezeginde turǵan adamdar úshin taǵy 96 páter paıdalanýǵa beriledi.
