Petropavl 1,5 táýlikke sýdan ajyratylady

PETROPAVL. KAZINFORM – Petropavlda 21-22 qyrkúıek kúnderi sýmen qamtý ýaqytsha toqtatylady. «Qyzyljar sý» JShS osy aralyqta tehnıkalyq jumys júrgizip, sý jelisin qysqa ázirlemek.

«Qyzyljar sý» JShS baspasóz qyzmetiniń málimetinshe, Petropavlda sý berý 21 qyrkúıek kúni saǵat 00:00-de toqtatylyp, tek 22 qyrkúıek kúni saǵat 18.00-de qosylady. Osy aralyqta sýmen jabdyqtaý jelilerin jýý jáne dezınfektsııalaý boıynsha profılaktıkalyq jumystar júrgizilmek.

Mamandardyń aıtýynsha, bul jumys turǵyndardy sapaly sýmen qamtý úshin qajet. Ýaqyt óte kele qubyrlarda tunba paıda bolyp, patogendi mıkroaǵzalarmen lastanýy múmkin.

1,5 táýlik boıy sýdyń bolmaýyna baılanysty turǵyndar men qala qonaqtary aýyz sý qoryn jasaǵany durys. Óıtkeni jelilerdi profılaktıkalyq jýý kezinde krannan nemese sý kolonkalarynan sýdy ishýge jáne tamaq daıyndaýǵa paıdalanýǵa tyıym salynady. Bul sýdy tek turmystyq maqsatta ǵana – úı jınap, kir jýýǵa ǵana qoldanýǵa bolady.

«Qyzyljar sý» JShS-niń Petropavl turǵyndary arasynda 95 259 abonenti bar. Budan bólek qaladaǵy barlyq 3790 kásiporyn osy kompanııanyń qyzmetine júginedi. Halyq aıyna 4931 myń m3 sý tutynady, bul barlyq kólemniń 75%, qalǵany zańdy tulǵalarǵa tıesili.

Buǵan deıin SQO-da 25 myń ga jer memleket menshigine qaıtarylǵanyn jazǵan edik.