Pesh jaǵýdan sharshadyq: Qaraǵandy oblysynyń turǵyndary úıin gazben jylytýǵa daıyndalýda
Kógildir otyndy jetkizýmen jáne ony berýmen «QazTransGazAımaq» kompanııasy aınalysady.
Búgingi tańda ol 2 742 áleýetti tutynýshynyń úılerine deıin kommýnıkatsııalardy tartyp úlgerdi.
Sondaı-aq, klıentterge yńǵaıly bolý úshin kompanııa halyqqa qyzmet kórsetý ortalyqtaryn ashty.
– Barlyq suraqtar boıynsha qaraǵandylyqtar bizdiń halyqqa qyzmet kórsetý ortalyqtaryna júgine alady. Ol oblys ortalyǵynda Ermekov kóshesi, 104/1 mekenjaıynda ornalasqan. Jezqazǵan qalasyndaǵy fılıal Sátpaev kóshesi, 10/1, Temirtaý qalasyndaǵy Mendeleev kóshesi, 11- úı mekenjaıynda ornalasqan, – dep habarlady «QazTransGazAımaq» AQ Qaraǵandy óndiristik fılıalynyń basshysy Talǵat Kyzylbaev. – Bizdiń ortalyqtar bir tereze qaǵıdaty boıynsha jumys isteıdi, elektrondyq kezek, keńesshiler bar. Turǵyndar gazǵa qosylýǵa ótinish bere alady, keńes ala alady, sondaı-aq qujattar men qosylýǵa tehnıkalyq sharttar ala alady.
Qaraǵandydaǵy Halyqqa qyzmet kórsetý ortalyǵynyń alǵashqy klıentteriniń biri Hadısha Ahmetova boldy.
Zeınetker jer úıde turady. Ol peshpen jylytýdan sharshaǵanyn moıyndaıdy.
– Peshten bári sharshady. Qazir kómir de arzan emes. Qysta maǵan shamamen 5 tonna ketedi. Men jalǵyz turamyn, ony kirgizip, jaǵý, kúldi shyǵarý qıyn, sondyqtan men gazǵa qýandym. Tehnıkalyq shart alýǵa keldim, – dedi Hadısha Ahmetova.
Birinshi kezeńde tabıǵı gazǵa Qaraǵandynyń Mıhaılovka sektorynyń, Temirtaý áleýmettik qalashyǵynyń jáne Jezqazǵandaǵy Prıstantsıonnyı jáne Talap kentteriniń turǵyndary qosylatyn bolady.
Bul rette «QazTransGazAımaq» kompanııasy jabdyqtardy tolyq montajdaýdy jáne gazben jabdyqtaý júıesin iske qosýdy oryndaýǵa daıyn.
– Qaraǵandy oblysynyń turǵyndary úshin bir tekshe metr gazdyń quny QQS-men 40,94 teńgeni quraıdy. Biz turǵyndardyń úılerine deıin qubyr saldyq, olarǵa tehnıkalyq sharttardy alyp, qosylý ǵana qaldy. Barlyq aımaqtarda qubyrlar úılerge tikeleı jetkizilmeıdi. Qaraǵandylyqtardyń joly boldy deýge bolady, – dep tolyqtyrdy Talǵat Qyzylbaev. – Sonymen qatar, iske qosý-jóndeý jumystary kezinde tutynýshylarǵa esepteý quraldary tegin ornatylady. Tıimdi gazben jabdyqtaý úshin úılerdiń jaǵdaıy da mańyzdy. Turǵyndar jylý joǵaltpaýy úshin gaz qubyrlaryn, úıdi jylylaýy kerek.
Gazben jabdyqtaýǵa óńirdiń az qamtylǵan turǵyndary da qosyla alady, dep esepteıdi Energetıka jáne TKSh basqarmasynyń basshysy Ulantaı Ýsenov.
Ekinshi deńgeıdegi eki bank olarǵa aqshalaı qarajatty bólip tóleýge berýge daıyn.
– Búgingi tańda Jusan Bank jáne Eýrazııalyq bank óz nıetterin bildirdi. Olar turǵyndarǵa gazdandyrý úshin bólip tóleýge qarajat berýge daıyn, – dep atap ótti Ulantaı Ýsenov. – Árbir tutynýshymen jeke jumys jasaıtyn bolamyz.
«QazTransGazAımaq» kompanııasy tutynýshylardy gazben jabdyqtaýǵa qosyp qana qoımaı, qyzmet kórsetýge, sondaı-aq avarııalyq jaǵdaılardy joıýǵa daıyn.
Ol úshin onyń fılıalynda avarııalyq-dıspetcherlik qyzmet jumys isteıdi.
Qońyraýlar ázirge (8-7212) 25-26-49 nómiri boıynsha qabyldanady.
Bolashaqta kompanııa dıspetcherlerdiń jumysyn 104 nómirimen jáne Senim 109 jáne 112 qyzmetterimen yntymaqtastyrýǵa nıetti.
