Perýde jol apatynan 8 adam mert boldy

ASTANA. KAZINFORM — Perýdiń ońtústiginde avtobýs apatqa ushyrap, 8 adam qaza tapty. Taǵy 20-dan astam jolaýshy jaraqat alǵan, dep habarlaıdy BELTA.

Aldyn ala boljam boıynsha, júrgizýshi burylys kezinde tizginge ıe bola almaı qalǵan. Saldarynan avtobýs aýdarylyp ketken. Zardap shekkender jaqyn mańdaǵy aýrýhanaǵa jetkizildi, olardyń beseýiniń jaǵdaıy aýyr.

Avtobýs Arekıpa qalasynan shyǵyp, Kýsko departamentindegi Sıkýanı qalasyna bet alǵan.

Perýde mundaı jol apaty buǵan deıin de bolǵan. Eldiń ońtústigindegi Arekıpa qalasynyń mańynda jolaýshylar avtobýsy jardan qulap, onda 37 adam qaza tapqan bolatyn. Bul jol apatynda avtobýs shamamen 200 metr tómen qulap túsken.