Perýde avtobýs apatynan keminde 37 adam qaza tapty

ASTANA. KAZINFORM — Perý eliniń ońtústiginde, Arekıpa qalasynyń mańynda jolaýshylar avtobýsy jardan qulap, keminde 37 adam qaza tapty, dep habarlaıdy AZERTADJ.

Agenttiktiń jergilikti BAQ-qa silteme jasap habarlaǵandaı, Arekıpa densaýlyq saqtaý basqarmasynyń basshysy Valter Oportonyń aıtýynsha, taǵy 13 adam jaraqat alǵan.

Aldyn ala málimet boıynsha, avtobýs jolda pıkap kóligimen soqtyǵysyp, keıin Okonıa ózeni aǵyp jatqan shatqalǵa qulaǵan.

Avtobýs shamamen 200 metr tómen qulap túsken.

Budan buryn Perý bıligi narazylyq sharalary aıasynda tótenshe jaǵdaı jarııalaýǵa sheshim qabyldaǵanyn jazǵanbyz.