Perý prezıdenti jalpyhalyqtyq saılaý kúnin belgiledi

ASTANA. KAZINFORM — Perý prezıdenti Dına Bolýarte 2026 jyldyń sáýir aıynda jalpyhalyqtyq saılaý ótetinin jarııalady, dep jazady Anadoly.

Telearnadaǵy úndeýinde memleket basshysy aldaǵy saılaý «demokratııalyq, ádil jáne ashyq» ótetinin, sonymen qatar eldegi jaǵdaıdy turaqtandyrýǵa septesetinin atap ótti.

Buǵan deıin uıymdasqan qylmyspen kúresý maqsatynda 18 naýryzda Perý úkimeti Lıma elordalyq aımaǵynda jáne Kalıao provıntsııasynda 30 kún merzimge tótenshe jaǵdaı rejımi engiziletinin jarııa etti. 

Óziniń osyǵan deıingi úndeýlerinde prezıdent Bolýarte eldegi qylmystyq toptardyń áreketterin qatań aıyptady. 

— Men qandyqol qylmyskerlerge ólim jazasyn engizý múmkindigin qarastyrýǵa shyndap kiristim. Birde bir ury-qary nemese jaldamaly baskeser óz balalaryn jaqsy kóretin otbasylardy qanǵa boıamaıdy, — dedi prezıdent.

Ólim-jitimdi tirkeý ulttyq aqparattyq júıesiniń derekterine sáıkes (Sistema Informático Nacional de Defunciones) Perýde 2025 jyldyń alǵashqy úsh aıynda 459 adam óltirý deregi tirkelgen.

Buǵan deıin álemge áıgili ánshi Shakıra aýrýhanaǵa túsip, onyń Perýdegi kontserti keıinge qaldyrylǵany málim boldy. 

Sonymen qatar, Perýde 9 mln jyl buryn tirshilik etken akýlanyń súıekteri tabylǵany habarlandy.